好聲好戲｜汪明荃話完無綫山頭文化後再發聲 「監製唔好用嚟用去嗰幾個人」

汪明荃性格一直敢言，不失其「阿姐」身分，曾公開為藝員同事發聲，爭取合理及應有的待遇。阿姐曾於2018年無綫台慶的大日子上，當住一眾高層面前說出員工心聲，要求加人工、多點休息時間；又希望公司踢走山頭文化，獲得全場一致掌聲。阿姐昨晚（26日）於配音比賽《好聲好戲》內，再次為藝員發聲，「而家同所有監製講，唔好用嚟用去都係嗰幾個人啦，應該畀多啲機會其他藝員同事！」，直接點出無綫現況：監製喜歡沿用旗下愛將，重複揀相同花旦小生做主角，令其他新人苦無機會演出。

{{hket:inline-image name="05272003.jpg"}}{{/hket:inline-image}}

{{hket:inline-image name="05272004.jpg"}}{{/hket:inline-image}}

好聲好戲｜陳自瑤搵「星爺」助攻攞滿分 洪永城後來趕上楊潮凱出線受壓【下一頁】

阿姐是《好聲好戲》的主席評判之一，她昨晚在公開票數前先作簡短總結，「今晚四位參賽者，之前已畀咗好多意見，譬如YoYo陳自瑤，我哋經常喺熒光幕上，睇見佢演一啲苦情戲，甚至一啲嗌交戲，原來喜劇佢亦得嘅。楊潮凱、洪永城同新人Yuki（羅毓儀），你哋今晚嘅表演，真係令我眼前一亮，你哋有好多潛質，有待發掘。」

阿姐之後語重心長地講出她的見解，「所以我而家同所有監製講，唔好用嚟用去都係嗰幾個人啦，應該畀多啲機會其他藝員同事，因為佢哋有好多可以發掘嘅地方。唔好幫我哋啲藝員定型，唔好成日一味叫佢哋做死一種角色，唔單止演員做到悶，觀眾都會睇到好悶。其實我哋仲有好多藝員同事，我相信佢哋每一位都好肯去試，每一個都有好多可能性。」她又希望各位監製認真考慮意見。

這晚阿姐敢言的說話出街後，獲得不少網民討論，「呀（阿）姐講得好，尤其是女一，唔好成日都係嗰幾個中女啦，TVB大把靚女做緊二三四線。」、「換第二個咁講，監製隨時拍檯（枱）話關你叉事。」、「我又唔信有監製敢搵阿姐做奸角。」、「睇左（咗）咁多集阿姐總（終）於有樣野（嘢）讚，暗示無論二打六同配音員都要有發圍的，要大力發展。」及「汪阿姐講得好啱，唔好用嚟用去都係嗰幾個，唔好定型，要範範（瓣瓣）都試吓。劇集類型都係，每年寫翻（番）一套青春劇畀二三線後生藝人上位啦。」

好聲好戲｜洪永城配唔掂「丁蟹」捧蛋滴汗 《愛回家》「路小小」激動喪喊【下一頁】

至於被阿姐讚的新人Yuki（羅毓儀），於上一集就找來訓練班同學李紹堅聲演《缺宅男女》的鍾嘉欣和吳卓羲，亦獲得網民力撐，「唔理係咪羅毓儀搵唔到出名藝員幫手都好，佢搵同屆藝訓班李紹堅做拍擋，令我知道個男仔叫咩名」、「個拍擋都幾入戲，可以擔任全職配音或者有多d（啲）出鏡機會」、「兩個年青人都配得好好，把聲又似主角，又夾口型，又有感情」及「如果男女表現都計晒落去，就係呢pair最好」。

（↓點擊放大睇圖片↓）

Yuki（羅毓儀）和李紹堅皆是2019年第30期無綫電視藝員訓練班學員，Yuki加入無綫前是一名YouTuber，跟男友以情侶檔開設頻道；又組成業餘樂隊MochiIce作公開表演。至2020年5月於《愛回家之開心速遞》演美少女作家「路小小」後，開始獲外界關注；而她與李紹堅於《好聲好戲》的演出，也令人眼前一亮。李紹堅就暫時未有演出特別角色，不過在其IG就見到他曾參與《木棘証人》，跟羅子溢有對手戲，亦有參與香港小姐的表演。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】