【聲明】港生活網站並無進行電話推廣活動

升呢男主角大個仔 周嘉洛預告與陳瀅親熱

發佈時間: 2021/05/28

「安仔」周嘉洛早前暫別處境劇《愛•回家之開心速遞》,正式升呢成為古裝劇《痞子殿下》男主角,與女主角陳瀅更有親熱戲份。不過有福利亦有犧性,周嘉洛拍攝期間不時捱打,但意外誤傷陳瀅俏臉。

周嘉洛、陳瀅、王灝兒(JW)及朱敏瀚等,昨日以古裝造型出席《痞子殿下》開鏡拜神儀式。周嘉洛與陳瀅飾演歡喜冤家,陳瀅說︰「我本身係公主,因為國家以女權為主,睇唔起男人,所以成日對周嘉洛動手動腳。」周嘉洛笑說︰「我唔夠陳瀅打,所以用智慧抑制佢。不過有場對打戲,我拍大頭嗰陣錯手打落陳瀅塊面,搞到佢塊面腫晒,我一直愧疚到依家。」陳瀅笑言當時超級痛,未來三個月拍攝時會找機會報復。

二人更預告有親熱戲,但因為《痞子殿下》是喜劇,所以就算親熱都以搞笑為主。陳瀅早前在《伙記辦大事》中與馬德鐘在泳地中親熱,她笑說︰「今次場戲會誇張過落水,我哋有好親密嘅接觸,人同人之間嘅距離好近。」

JW保住熒幕初吻

同場的王灝兒與朱敏瀚在劇中演契兄妹加情侶,朱敏瀚大讚JW︰「以前覺得JW好cool,但原來佢好可愛、好有能量,有佢喺現場好開心。」第一次拍古裝劇的JW表示笑點太低,經常忍不住笑而NG︰「不過我拍嗰陣無講咗英文,反而周嘉洛同陳瀅試過口快快講咗sorry。」問JW可有獻出熒幕初吻?她即說︰「無呀,呢套劇我哋係puppy love,所以唔會有親熱戲。」而朱敏瀚透露幾乎集集要除衫曬肌︰「依家每日都要脫水,大熱天時唔可以成日飲嘢真係幾辛苦。」

採訪︰Pauline

攝影︰林良明

美術︰梁政敏

升呢男主角大個仔 周嘉洛預告與陳瀅親熱

被周嘉洛打腫面的陳瀅揚言一定報仇。

升呢男主角大個仔 周嘉洛預告與陳瀅親熱

JW與朱敏瀚共譜「長短腳之戀」。