星格Boss│林夏薇食店「疫」市照開3分店 「有危就有機 會繼續擴張」

林夏薇（薇薇）在無綫新劇《逆天奇案》中，飾演隸屬刑事情報科的警察「Wing姐」，性格精打細算，處處為男友「森Sir」陳展鵬設想。薇薇現實生活中數口及眼光亦唔差，身為食店老闆娘的她，明白每一分、每一毫應花得其所。最近她就在「疫」市中大展拳腳，接連開了3間分店，擴展其飲食王國，「我認為有危就有機，逆市相對個租金會平啲……可以的話會繼續擴張，去保持一個經濟嘅持續增長。」

{{hket:inline-image name="LAM01.JPG"}}{{/hket:inline-image}}

{{hket:inline-image name="1024_fda794271172cc116174a86f6ac42f43saasftp20200221.jpg"}}{{/hket:inline-image}}

《Tiger's Talk》林夏薇爆圈中女星拜狐仙日日上香 黎耀祥三屆視帝全靠住風水樓？【下一頁】

新冠肺炎持續肆虐本地，嚴重影響市民生活，當中限聚令直接打擊食肆生意。薇薇表示：「疫情初期影響稍為大啲，生意額跌最少三至五成……不過而家開始慢慢適應咗，我哋及時調整，做多咗外賣，我哋亦都有開設『功夫工坊』，專做外賣生意。（有留意政府新推出「疫苗氣泡」措施？）我哋主要都係本地客為主，不過都會留意各方面防疫措施，跟足政府要求去做。」

薇薇透露每間店的投資額約7位數字，會視乎地點及舖頭大細作出調整，「因為自己本身鍾意食，會經常去試唔同嘅菜式，加上同合作夥伴一拍即合，所以首次創業就選擇由自己喜歡嘅飲食去開始。（藝人做生意有冇著數？）藝人身分喺初創業階段會有優勢，但要長久經營下去，還是要靠質素取勝。反而我好多客人成日嚟幫襯，係因為佢哋真係鍾意我哋啲嘢食；亦儲落唔少熟客，唔少人事後先知間餐廳係我開。」

【《七公主》停工防疫】林夏薇家中跳舞拍片曬纖腰 15億山頂獨立屋內部環境曝光【下一頁】

至於公司未來是採取穩守還是進取方向發展？薇薇話：「最近都開多咗3間分店，分別係喺上年11月及12月，同埋嚟緊嘅6月會開，我認為有危就有機，『疫』市相對個租金會平啲……會根據市場需求，可以嘅話會繼續擴張，去保持一個經濟嘅持續增長。可能仲會有其他嘅投資項目，而家都進行緊。」手上前後擁有17間食店的她，不單止進軍飲食業，最近與老公莫贊生踩入潮界，引入多用途潮流藝術精品，並舉行藝術展覽，當中產品會於網上以限量版推出，反應不錯。

（↓點擊放大睇圖片↓）

此外，提到正在熱播的劇集《逆天奇案》，戲中她跟陳展鵬及馮盈盈陷入三角關係，雖然陳展鵬答應和她結婚，可是編劇似乎想為二人的感情加點考驗。薇薇大賣關子說：「同展鵬之後嘅感情會有啲起伏，自己亦有好多內心戲，希望大家繼續追落去啦。」再追問她和老公莫贊生的造人大計？她暫時未有好消息同大家分享，「因為我哋而家比較忙，手頭上仲有好多工作，可能未ready住，因為唔夠時間……都可以先享受多啲二人世界，其他嘢就順其自然。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】