辦公室情緣｜疑被老闆娘睇中甜笑埋身接觸 打工仔憂惹誤會：畀條生路

辦公室戀愛時有發生，惟若對方既不是心儀對象，爛桃花會帶來困擾。一位港男打工仔近日訴苦指，自己在公司獲上司賞識，被安排與老闆相鄰而坐，以便爭取表現機會，惟最近發現疑似被老闆娘「睇中」，對方不但經常對著他笑，又借故埋身接觸，令他擔心老闆誤會，更對前途深感憂慮：「阿姨，我還想努力呀。」

該名網民於「連登討論區」發文指，自己於現職公司工作3年，因性格隨和又「識刷鞋」，故一向受上司賞識。由於老闆一向比較親民，不喜歡留在自己房中工作，故常與同事們同坐，上司為了讓他爭取更多表現機會，就安排他與老闆相鄰而坐。

事主表示，他與老闆關係不俗，有時會談笑風生，老闆娘每天下午會到公司接丈夫放工。他形容老闆娘每次等待期間，都會坐在其背後，不但「眼甘甘咁望住我，又對住我笑」。當他與老闆傾談時，還會拍其背脊，又將手搭在其膊頭上，令他深受困擾，

「我講咩都笑到孔雀開屏咁樣，話我又cute（可愛），又funny（有趣），又smart（聰明）。」

事主又指，老闆娘年約40歲，外貌打扮均不是他的理想型，同時深怕對方的舉動會引來老闆和心儀女同事誤會，直言自己還想為事業拼搏，

「阿姨，我還想努力呀⋯⋯打份工啫，可唔可以畀條生路。」

↓ 點 擊 圖 片 放 大 ↓

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：賴天兒