C AllStar︰團體唱歌難過單飛

最近宣布七月開紅館騷的C AllStar，日前接受香港開電視訪問，提到休團三年多後再合體，On仔（陳健安）回想單飛時期說︰「單飛認識自己多咗，開心咗，有組合裏無嘅笑容。」Jase（何建曦）則說︰「其他人以為團隊嗰陣唱幾句好簡單，其實唔係，嗰幾句要同前幾句融合埋一齊，真係要磨練好幾年功力。」King（吳崇銘）附和︰「有時我完全未開聲，一嚟就唱最高音，我連支咪幾大聲都唔知，要估。」

提到新歌《留下來的人》講離合散聚，On仔說︰「呢幾年好多人離開，包括離開呢個世界、離開香港去移民，好多唔同解讀。收到有歌迷話啱啱辦完媽咪後事，或者同另一半分手、朋友移民。」梁釗峰說︰「有啲朋友試過combo（連中），因為移民而要分手。」