愛回家│曾展望加入接龍做MT慘被勞役 23歲小鮮肉原來是七品道士

處境劇《愛回家之開心速遞》播出近4年時間，近日適逢金城安（周嘉洛飾）、朱凌凌（吳偉豪飾）和阿壯（焦浩軒飾）等人正式畢業離開島大，為大學生活的劇情正式畫上句號。正以為一眾後生演員都要離開之際，沒想到昨晚（30日）一集「高齡實習生」已經有全新「小鮮肉」加盟。憑《#後生仔傾吓偈》入行的曾展望（GM）以見習行政人員身分加入接龍，連麥明詩都留言大讚角色非常適合他。

愛回家│島大六子正式畢業告別校園 金城安暫別作周二播 圓夢離家1年【下一頁】

{{hket:inline-image name="gm11.jpg"}}{{/hket:inline-image}}

曾展望飾演的Mike Tong以見習行政人員身分加入接龍，由於記者的誤會，令大家誤以為熊樹根（劉丹飾）都是見習行政人員之一；大龍生（羅樂林飾）為了面子繼續做大龍鳳，聘請樹根和Ｍike一齊做見習行政人員入公司。由於樹根明知只是做戲，於是將所有工作推給Mike做，令Mike覺得有被老油條蝦新丁的感覺。後來Mike一時大意闖禍，根叔動用他的腦筋和人脈，解決危機。根叔不但沒有踢爆Mike做錯事，更將補鑊的功勞推給Mike，令他大為感動。

今次「老油條」同「新丁」的相處，不少網友認為反映出現實辦公室氣候，非常貼地。而今次GM飾演的Mike，傻傻更更又容易被人蝦，角色討好，網友都給予正評。GM接受《晴報》電話訪問時表示：「今次拍《愛回家》真係好開心，因為我本身鍾意演戲，加上拍《愛回家》絕對係演員一個夢想，知道好多觀眾都鍾意睇呢套劇，為觀眾帶來歡樂。好多謝監製同導演畀機會我。」他直言自己拍劇的經驗不多，事前非常緊張，收到劇本後就不斷做功課，希望做好角色。GM說：「我真係落120分努力去做好呢個角色，事前畀好大壓力自己。去到現場見到丹爺，佢教我呢個後輩好多嘢，而且好入戲，自然帶埋我入戲，所以拍得順暢。」問到會否繼續以該角色留在《愛回家》？GM稱Mike好似自己，希望繼續用這個角色跟不同的演員有更多的合作、交流同火花，亦期望觀眾喜歡他的演出。

（↓點擊放大睇圖片↓）

#後生仔傾吓偈│10蚊雞玩交換聖誕禮物驚喜連連 最地獄禮物:碌柚葉都未係No.1？【下一頁】

現時23歲的GM畢業於香港理工大學會計系，今年4月正式簽約成為無綫藝員。在《#後生仔傾吓偈》中是常設的KOL代表，而且獲安排在《Think Big天地》做主持，發展不錯。外表陽光的他曾經在節目自爆是道教的七品道士，又特別花一星期在內地考獲相關的資格，而且考試的過程非常嚴格；聽師傅講經時，如果萬一眼瞓瞓著，就要被尺敲醒，然後罰跪香。

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉