輝哥為食遊IV│張德蘭4歲大會堂公開表演跳舞 《EYT》年代結識顧嘉煇盧國沾

張德蘭昨晚擔任好友吳錫輝（輝哥）主持的節目《輝哥為食遊IV》的嘉賓，分享她從學唱歌到入行，及後期完成中醫課程的心路歷程。

{{hket:inline-image name="05312007.jpg"}}{{/hket:inline-image}}

{{hket:inline-image name="05312006.jpg"}}{{/hket:inline-image}}

張德蘭楊偉誠同甘共苦44年 全因一件事約定禁絕異性引誘【下一頁】

張德蘭說：「『張圓圓』係我嘅真名，『張德蘭』係我聖名。因為我係屋企排最尾，係第十個，我媽咪就話生埋我就唔生，所以一個『圓』都唔夠，要兩個『圓』，就叫『張圓圓』。（參加唱歌比賽而入行？）我一開始係跳舞先，以前我哋有去大會堂表演。我嗰時得4歲，跳蠟燭舞時就3歲。（邊個帶你出去？）我家姐同媽咪囉，嗰時冇人帶唔出得街。我晚晚都經過荔園門口，好鍾意同媽咪企喺度聽人唱歌，（自己）好有興趣，會晚晚聽住，（歌手）又打扮得好靚；跟住識咗喺嗰度唱歌嘅歌手，唔知係咪叫做收為徒，總之佢就話妹妹你晚晚嚟聽我唱歌，不如姐姐教番你唱首歌啦。」

德蘭姐指當時每晚對方落台後，就在台邊教她唱歌，她就逐句跟住唱，學完成首歌後還要「考試」，「佢話你已經學咗喎，今晚姐姐就唱少啲，輪到你幫姐姐唱，我就（開始）上台唱歌。」她後來加入TVB發展，參與演出《EYT》（即《歡樂今宵》），向顧嘉煇及盧國沾兩大作曲作詞人學習，「咁啱香港開始有好多日本卡通片，要改佢哋嘅日文歌做廣東歌，我第一首就係《鐵金剛》。另外顧嘉煇又會作好多廣告歌，佢又叫我去唱，藉住呢啲廣告歌，可以學到短短幾句歌詞點樣迎合到廣告商，係一個好好學習機會。」

吳鎮宇缺乏父愛拒步爸爸後塵 爭取處相時間幫Feynman補中文【下一頁】

提到1998年報讀香港浸會大學中醫藥學院，從中的得著時，她說：「覺得唔單止教你治病、防病，仲令思維有啲改變。讀醫會明白人生嘅過程，生老病死都係必經過，亦明白做人真係唔好唔開心，因為我哋嘅七情，喜、怒、憂、思、悲、恐、驚，真係會令你病或者唔舒服。（『醫食同源』啱唔啱？）梗係啱啦，因為透過食物可以揀選自己啱食嘅嘢，有冇聽過一句『藥補不如食補‧食補不如睡補』，一個人最緊要夠精神，能夠瞓得好，人嘅皮膚都靚啲啦，而且情緒亦會好好多。有時個人如果唔夠瞓呢，嗰日就算冇嘢但會好似乜嘢都（睇）唔順眼。（點樣保持心身安泰？）唔好諗咁多嘢，開開心心，睇事物唔好剩係睇一個方向，要多方面去睇。可能我哋學醫要分析，要從唔同角度去睇。」輝哥亦大為贊同，認為做人一定要開心。

（↓點擊放大睇圖片↓）

德蘭姐多年來有不少經典作品，眾多作品當中她就揀了電視劇《陸小鳳》的插曲《鮮花滿月樓》作為心水推介，「因為呢首歌令大家由我張圓圓時代，轉變成為張德蘭時代。亦因為呢首歌，大家都轉變咗，覺得我係一個歌手，唔係一個小朋友或者藝員囉。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】