舊日的足跡｜林利照顧病母學抽痰兼徹夜無眠 堅持帶返屋企照顧：唔離得開佢一步

54歲的林利近日接受車淑梅電台節目《舊日的足跡》訪問，一向侍母至孝的他除了談及入行經歷外，亦提及照顧患病母親的經歷。

{{hket:inline-image name="192455610_10161255151902729_7860030068241300091_n.jpg"}}{{/hket:inline-image}}

去年11月，林利83歲的母親因喉嚨有腫塊引致呼吸困難而被送院，其後不幸證實患上淋巴癌。林利一直悉心照顧母親，更求醫生讓他帶媽媽返屋企照顧。「由11月開始知道佢係淋巴癌就不斷醫治，一個月內就將媽媽帶返屋企照顧。因為疫情下醫院好多病人，帶媽媽返屋企照顧好啲，我就問醫生有咩我可以學，可以係屋企做到。佢話首先你要學抽痰，我就每日去醫院學抽痰，趁機睇媽咪，學咗一星期就學清潔。」

{{hket:inline-image name="125286023_10225930029704368_7973171363099006634_n_600.jpg"}}{{/hket:inline-image}}

車淑梅提及林利曾夜闖病房，後者直言是錯誤示範。當時林利難忍擔憂之苦，夜闖病房卻赫然看見母親被綁在床上，喉部插着喉管、手上的插針位置滲血。林利表示那時媽媽入咗醫院一個星期左右，「我覺得我同媽媽有心靈感應，覺得佢叫緊我。去到嘅時候見到媽媽被綁住，抓到成身血，佢夜晚又驚。好多原因令我驚覺一個人病咗係好需要親人照顧，所以我想盡辦法，快啲帶佢返屋企。」

林利親力親為照顧患病母親，沒有請工人、護士，他指自己非常辛苦，更試過兩個星期冇沖涼，「一日要抽十幾廿次痰，夜晚又冇得瞓；佢又唔行得，要扶佢去廁所，唔行離得開佢一步，（我）試過成兩個星期冇沖涼。」

（↓點擊放大睇圖片↓）

林利又指因母親已83歲，年紀大唔做化療，只做電療，在1月時終於可以拔掉喉管。「每日靠我同佢出去行，曬太陽，冇食藥。到1月時，醫生同佢講喉嚨粒嘢好奇蹟地冇咗。而家精神係好啲，係容易攰。」他提醒如果屋企人生病一定要好有耐性照顧佢、要鼓勵對方。「我用行為去鼓勵，佢知道我係佢身邊，個人心安，病情就好快好。」

{{hket:inline-image name="151299473_10226772589807844_700283959099489456_n_600.jpg"}}{{/hket:inline-image}}

林利母終拔喉自由呼吸新鮮空氣 搏鬥4個月：媽媽的意志力太強 【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】