洗米嫂17.6%體脂弗到似健美小姐 唔黐老公生活多姿采忙過返工

人稱洗米嫂嘅陳慧玲（Heidi）原本過住「低調」嘅名媛生活，一直鮮有喺各大新聞紙出現。不過情況由2014年開始就有啲唔同，因為佢老公、太陽娛樂公司老闆「洗米華」周焯華同模特兒Mandy Lieu搞婚外情，而且仲非常高調；Mandy Lieu以「最強第三者」姿態出現，洗米嫂自此就成為C1常客。正當個個都以為Heidi同老公嘅婚姻會破裂，偏偏洗米華就唔願同老婆離婚，真係好睇過肥皂劇。

{{hket:inline-image name="101561561_556955205251137_1764873172808629933_n.jpg"}}{{/hket:inline-image}}

老公唔離婚，Heidi就keep住洗米嫂身分，不過就冇好似一般正印咁呼天搶地，反而繼續過自己嘅精彩生活。有指2019年Mandy Lieu因始終未能坐正而提出分手，Heidi仲以勝利者姿態大曬同老公嘅sweet爆合照；尋日（31日）又一家大細為老公慶生，成功令洗米華做番個顧家好男人，浪子回頭金不換！

{{hket:inline-image name="194494299_136489681877521_7600684156937676751_n.jpg"}}{{/hket:inline-image}}

「贏」番個老公，洗米嫂就繼續「放養」對方，唔使日日黐身，自己過多姿多采嘅生活。今年2月，佢仲透露成功考獲印度恒河瑜伽教育學院的初級瑜伽教練證書，包括體位、理論、唱頌等專業課程，並喺IG分享證書。孜孜不倦嘅洗米嫂都有分享自己閉關溫習嘅相，要成功考獲證書除了實戰課程外，亦要學好瑜伽導師嘅理論課程。

（↓點擊放大睇圖片↓）

近日洗米嫂仲愛上健身，練到全身嘅體脂肪率得17.6%，肌肉線條出晒嚟！佢留言表示自己都下過一番苦功：「教練的強迫！自己的自律，成功非僥倖！三個月得來不易。」洗米嫂仲曬到一身古銅色肌膚，十足準備參加健美小姐比賽，唔少網民都大讚佢又弗又young；不過都有人話佢操到「過火」，話原本嘅佢更靚。洗米嫂亦一於少理，繼續我行我素做自己！

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】