蕭正楠模仿馬國明眼神演戲 湯洛雯護男友：扮得唔似

蕭正楠（阿蕭）和湯洛雯（靚湯）昨日宣傳劇集《一笑渡凡間》，阿蕭在劇中愛上靚湯，他自爆演談情戲時刻意扮靚湯男友馬國明，誰知惹來靚湯「投訴」，指阿蕭為宣傳不時擺馬明上枱，場面搞笑。

蕭正楠昨日談到在《一笑渡凡間》首播時，有場他面上長滿毒瘡的戲份，雖然戲份只有一分鐘，卻拍足幾日，阿蕭說：「因為呢個毒瘡嘅粧會成日出現，所以經常化，每次化三個鐘好攰，後來索性打橫瞓喺度化粧，但大家話好似化死人粧咁，以後都唔敢啦！」在劇中經常以捕快打扮現身的靚湯，自爆只有一場女裝戲，阿蕭抵死說︰「因為我要有驚艷嘅感覺，我就用馬國明望住靚湯嘅眼神嚟演戲，流晒口水咁。」靚湯即說：「做咩我哋宣傳成日講佢（馬明）！」

蕭正楠笑言下次考慮扮馬明出席宣傳活動，靚湯笑罵︰「你唔好諗住扮佢宣傳啦，你都扮得唔似。」另外，提到馬明正身在內地工作，靚湯指男友帶了兩隻定情公仔同行：「佢已經將公仔據為己有。」問馬明何時將靚湯真人據為己有？她忍不住甜笑說：「你哋問佢啦！」

利穎怡拍劇主持兩兼顧

同場的《東張西望》主持利穎怡在劇中飾演一個被虐待的丫鬟，經常傷痕纍纍：「雖然我只佔一個單元，不過劇中我得一場戲以正常樣出現，其餘場口都係傷痕纍纍，面部唔可以有表情，眼睛都唔能夠有太大反應，起初監製嫌我對眼太精靈，要求我嘅眼神要奄奄一息咁。」她最近參演另一劇集《痞子殿下》，希望可以拍劇及主持兩邊發展。

採訪︰Pauline

美術：梁政敏