【聲明】港生活網站並無進行電話推廣活動

舞台劇銷情理想 馬浚偉無酬兼倒貼20萬

發佈時間: 2021/06/01

馬浚偉、黎瑞恩(小恩子)及林子博等,前晚到葵涌綵排本月11日起公演的舞台劇《男人40 CEO》。馬仔今次投資及主演《男人40 CEO》,雖然政府放寬入座率至七成半,十場舞台劇的門票也接近售罄,但馬仔坦言仍未回本。他說︰「其實要賣八成半飛先回到本,所以依家我要蝕20萬,我自己亦無酬勞。不過我賺到小恩子嘅飯盒,佢又幫我買廁紙、咖啡、洗廁所水,本來仲想幫我洗埋廁所,真係好感動,佢好識照顧人。」

首次演出舞台劇的小恩子坦言心情緊張︰「我最怕講錯對白,平時唱歌我唔會講嘢,今次好多對白要記,希望盡量唔好發台瘟。」馬仔則怕自己看到小恩子會忍不住笑︰「因為小恩子入咗角色個樣真係好豬呀!」此外,小恩子自爆八年前發現胰臟有兩個良性腫瘤,她一直不理會,早前檢查時發現腫瘤已消失︰「生死有命,要走就走,自己唔理,保持心境開朗。早排有一日發燒入院順便檢查埋,兩粒嘢都無咗,得番兩個疤痕。」馬仔認同開心是良藥,戥小恩子康復而開心。

攝影︰林良明

舞台劇銷情理想 馬浚偉無酬兼倒貼20萬

一眾《男人40 CEO》演員前晚示範劇中的歌舞演出。