逆天奇案│車神憑粉絲直覺救出女神方嵐 董敬文表現神勇幽默眼前一亮

《逆天奇案》中，O記A隊和B隊的合作越來越頻繁，默契亦越來越好，屢破大案。昨晚女明星方嵐（范文雅飾）被人擄走，賊人透過網上直播，供網民投票「採用哪種方法虐待她？」。警方邀請專業黑客Ana（馮盈盈飾）協助找到犯人、方嵐身處的大概位置；從直播畫面中，方嵐粉絲車神（董敬文飾）見到偶像皮膚過敏，判斷出她食過某越南餐廳的雞皮果葉，因而致敏，最終找到藏參直播位置，成功救人！

逆天奇案│Rocky天台飛身撲救毒劑型到爆 陳偉洪趙璧渝組CP：入行12年首次【下一頁】

{{hket:inline-image name="TUNG9.jpg"}}{{/hket:inline-image}}

{{hket:inline-image name="FAN.jpg"}}{{/hket:inline-image}}

方嵐親自到警署答謝，並逐一向警員送上愛的抱抱，車神另有工作姍姍來遲，來到時以為對方已經離開，大失所望，向兩位上司發脾氣！這時偶像突然出現，車神變得怕醜又緊張，當方嵐主動撓手合照時，他全身硬晒軚，情難自控，場面非常搞笑。不少網友都大讚董敬文扮演的車神非常可愛，傻更更又幽默似足韓國的車太鉉。

而同劇的劉佩玥亦大讚董敬文這一集的出色表現，更要重溫他的P圖技術。事關拍攝《逆天奇案》煞科戲時，劉佩玥不在場，為了合照「齊人」，「P圖高手」董敬文在大合照上key上劉佩玥，又「惡搞」將她key落不同照片上，非常有趣！

董敬文接受《晴報》電話訪問，表示車神算是入行以來較多發揮的一個人物，很感激監製、導演給予機會。董敬文2013年第27期藝員訓練班入行，參演的劇集包括《大醬園》、《黃金有罪》、《法證先鋒IV》、《迷網》、《香港愛情故事》、《解決師》等等，大部分都是惡死的蠱惑仔或者壞人。他表示：「由細到大我都好鍾意睇戲、睇劇，亦都鍾意模仿身邊嘅人，我諗係因為咁，自己想做演員。我喺美國讀緊大學時，就覺得自己應該一畢業就返香港考訓練班！」大學畢業之後回港，見到訓練班招生，雄心壯志的他去面試後，竟音訊全無，當刻覺得夢想破滅，大為失望。「喺大學係主修Communication ，所以我去咗從事運動嘅公關工作；始終內心仲係想做演員，做咗年半我就裸辭。幾個月後，我又見到訓練班招生，都報啦！衰過一次唔敢抱咁大期望，點知最後真係收咗我！」

（點擊圖片放大）

逆天奇案│黃嘉樂與林熹瞳探監戲催淚獲大讚 女友狂收Cap圖正評感動到想喊【下一頁】

董敬文加入訓練班之後，對演戲的熱情有增無減，希望可以成為終生職業。過往在劇集中大多數飾演戲份較少的角色，但他完全不介意，「之前比較令人深刻嘅都係演蠱惑仔或者壞人……其實都係開心嘅，因為始終喺現實冇可能作奸犯科，喺戲劇嘅世界就可以天馬行空。咁當然我想戲份多啲，喺熒幕出現嘅時間長啲……將來希望演到比今次（車神）有更重戲份嘅角色啦！」

（點擊圖片放大）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

 

責任編輯：楊安莉