公關的公關災難丨明星多人除罩開船P疑違限聚令 傅明憲何雁詩甫相如置身無人之境

夏日炎炎，唔少人都選擇去海邊游水消暑，而畀得起多少錢嘅朋友就會選擇去船P出海，仲可以順便打卡呃like。尋日藝人何雁詩就post出佢喺船上嘅寫真，大曬佢嘅美腿；而傅明憲都喺差唔多時間大曬佢出海嘅靚相，仲上載埋遊艇嘅內部結構，只見遊艇非常豪華又闊落，非常Chill呀！原本睇落就冇乜嘢，不過就因為其中一名「豬隊友」post出一張相，爆出佢哋有違反限聚令之嫌。

{{hket:inline-image name="193566639_4701105379916220_4017089569220842166_n.jpg"}}{{/hket:inline-image}}

{{hket:inline-image name="194272960_507170710331682_3774383712110046664_n.jpg"}}{{/hket:inline-image}}

自稱「天下第一關」嘅有名公關鄭紹康貼出與一眾友人出海開遊艇派對嘅大合照，而打卡點就喺大潭灣。從照片可見現場人數相當多，而且眾人都除罩相見。當日他們為鄭紹康慶祝生日，鄭紹康表示感謝朋友到來，又話「接種疫苗，遵守規則，保持健康」；而出席的藝人朋友包括傅明憲、鄧佩儀、林奕匡老婆李靄璣、鄭俊弘、何雁詩、麥大力、梁彥宗及陸煥恆，仲有多位素人，有大有細。

不過相片一出就引起網民討論，質疑佢哋違反限聚令，唔少人都憤起鬧爆，「名人有錢佬有遊艇，私人地方大晒，驚你唔知，限聚令只應用喺我哋基層賤民！公關出色」、「生日就可以犯法？」等，不過都有網民指如果有晒疫苗紀錄先上船，根據法例50人內都未違法；有人就反擊稱圖中有幾位小朋友，佢哋冇辦法打疫苗。呢幾張相搞到大家喺網上開火，引發一場「公關災難」！

（↓點擊放大睇圖片↓）

鄭紹康凌晨回應網民質疑，澄清：「要跟朋友們說聲不好意思。這艘船名叫The Wan，是由天星小輪改裝，船內有足夠空間，在出發前已經再三跟船主和相關單位溝通，再次謝謝大家關心我和我朋友的健康。」事後佢亦將有關大合照刪除。

其實早前政府放寬限聚令，停業嘅6類場所包括出租遊艇，要求所有員工及顧客均已打一針疫苗始可重開；而已接種疫苗人士仍要戴口罩，但係人數上限界線含糊，而且私人遊艇派對一直難以規管。

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】