APITA 、UNY及谷辰 推初夏購物賞

黛安收到風，APITA、UNY同日式生活專門店谷辰，會同EPS易辦事合作推出多個初夏企劃，多款食品、家品都有優惠！例如APITA同UNY嘅「賞買星期二」，可以優惠價買到泰國美食及多款抹茶及食品；谷辰亦預備咗多款日本直送嘅有機茶蕎麥麵等綠色食物，加上米角及The Salfee Bar精心研發嘅新綠色菜單，同大家一齊消暑。

即日起至本月15日，去APITA、UNY或谷辰指定分店購物，以EPS結帳並單一消費滿$400，帶同收據即可換領$25優惠券1張，喺7月15日前以EPS結帳並消費滿$50，就可以用優惠券。