安仔告別熊家向外闖 周嘉洛︰帶住好多愛離家

「金城安」周嘉洛獲無綫高層王祖藍欽點，在新劇《痞子殿下》擔正男主角，並在前晚的《愛．回家之開心速遞》中正式告別熊家。劇情指安仔將飛往吳旺達工作，熊家上下表現冷漠，原來背後默默為安仔打點一切，眾人視像通話時喊作一團，令觀眾大呼感動。周嘉洛接受本報訪問說︰「拍呢集用咗好多真情緒，始終喺《愛．回家》就快五年，同熊家上下、朱凌凌、Bonnie等，無論係家庭綫、愛情綫定兄弟線，都有好深嘅感情基礎。」

周嘉洛表示收到《愛．回家》台前幕後的祝福和鼓勵，令他帶住很多的愛「過組」︰「滕麗名、陳浚霆同樊亦敏佢哋，送咗好多外景用嘅設備畀我，全部都非常實用，好感恩。」至於「熊心如」蘇韻姿前晚分享17年第一日開工拍《愛．回家》的合照說︰「熊家無咗唯一一個唔係姓熊嘅成員，係唔齊全㗎！」