朗豪坊4樓日常療癒所 會員憑消費可換獎賞

疫情後大家更關注身心靈健康，黛安收到風，朗豪坊最近為手機應用程式同LP CLUB會員計劃換新形象，下星期五（11日）起至7月4日，仲會喺商場4樓開設Green Therapy日常療癒所，提供一系列獎賞換領，綫上綫下都關注你嘅健康。

朗豪坊今次聯乘本地有機治療師品牌SOVOS Aromatherapy，和有機農場植物店LAI FARM，分別推出4款專屬味道有機殺菌噴霧，和特別挑選嘅小物盆栽盲盒，LP CLUB會員喺商場即日消費滿$1,000便可免費換其中1款喇。另外，商場亦同本地茶飲店花果飄零合作，挑選專屬嘅特調花茶，只要下載全新朗豪坊App，同時登記做LP CLUB會員，就可自選1包專屬DIY特調花茶包。

公關姊妹話，台灣人氣文青插畫家WHOSMiNG創作咗4款插畫，包括#美食日常、#樂活日常、#玩物日常和#運動日常，喺每樣產品配上WHOSMiNG嘅插畫，筆觸簡單又清新，大家快啲去買啦。