【聲明】港生活網站並無進行電話推廣活動

囡囡與陳敏之兒子拖手仔 陳展鵬:畀佢哋交往下

發佈時間: 2021/06/04

陳展鵬與姚子羚昨日出席無綫抗疫節目《500日後》記者會,陳展鵬太太單文柔,日前帶女兒「小豬比」相約陳敏之母子出海玩,只見小豬比與敏之囝囝雷子樂甚友好,兩個小朋友更手拖手超甜蜜,不少網民提議展鵬與敏之對親家。展鵬笑說:「女仔係矜貴啲,等佢哋交往下先,拖手仔無問題。我暫時無呷醋,因為個女都係黐我多啲,有需要嘅時候都係搵我,例如換片咁,做爸爸都係有英雄感,我好耐無試過咁man。」同場的子羚透露媽媽因疫情在台灣逗留一年多,幸好早前趁當地爆發疫情前返港,令她十分感恩。

至於昨日本來有份出席記者會的黃翠如,日前在IG分享與老公蕭正楠的跑步影片,二人分別擺出四及六字手勢,未知是否擔心令人聯想到政治議題,昨日翠如臨時缺席活動,公關則表示翠如因有工作在身,趕不及回將軍澳電視城出席。

採訪:Pauline

囡囡與陳敏之兒子拖手仔 陳展鵬:畀佢哋交往下

小豬比似足媽咪單文柔,是個小美人。(IG圖片)