一笑渡凡間│尹詩沛公堂憤恨自白戲味十足 豬肉婆後再演冬瓜嬌不怕被定型

劇集《一笑渡凡間》，李修緣（蕭正楠飾）跟方志朋（沈震軒飾）兩兄弟，憑他們的偵探頭腦及觀察入微的分析，將友德鎮上不少的奇案、怪事查個水落石出。昨晚一集梁大升（魯振順飾）的雙腳腳筋被斬斷，他的下屬誓要找到兇手，怎料原來是一向仰慕梁大升的冬瓜攤販張嬌（尹詩沛飾）行兇，全因她要為已故的愛郎報仇！

【迷網】尹詩沛馬海倫演師奶年齡差43歲 劇中10位「御用師奶」深入民心【下一頁】

{{hket:inline-image name="wan4.jpg"}}{{/hket:inline-image}}

{{hket:inline-image name="wan5.jpg"}}{{/hket:inline-image}}

{{hket:inline-image name="wan7.jpg"}}{{/hket:inline-image}}

張嬌起初不認罪，但在李修緣、方志朋你一言我一句下，逐步逐步揭穿她的謊話！張嬌由目無表情到傷心、傷心到憤恨，再見到梁大升到公堂自首時的奸笑，實在令人心寒。尹詩沛在公堂上的演出，情緒變化極大，拿捏得相當出色，導演以「大頭」鏡頭去呈現其表情，戲味十足。不少網友在討論區留言大讚她的演技，雖然只有幾集戲份，不過表現絕對不比主要演員遜色。網民表示︰「就算只係做配角演員，一樣演得好」、「詩沛做得好」、「演技有層次，非常好」、「都知道張嬌沒這麼簡單的，尹詩沛好料」等等。

尹詩沛接受《晴報》電話訪問，她表示：「收到劇本時，呢兩場戲我反覆睇咗好多次，到現場拍攝時，導演和現場演員都比較熟，大家都放心同畀到信心我去發揮，所以演得好爽！呢一幕公堂場面其實佔劇本14頁半紙，當日安排一日全廠景拍晒！14頁半紙原本劃分7場戲，導演想連貫、一氣呵成，盡可能一shot落連拍7場；於是先係拍咗主角同大家嘅反應，我冇入鏡，但都要做好多次動作同聲演、反應，畀佢哋配合去演出，到最後兩部攝影機對住我，由頭到尾一shot過拍晒14頁半紙……我慢慢聽住自己嘅對白去感受氣氛，將情感逐步爆發出嚟。」

（點擊圖片放大）

【御用妓女】尹詩沛入行十年終獲父母肯定 未敢上位：「我想做好綠葉」【下一頁】

對於網友的讚賞，尹詩沛說：「好多謝網民同所有留意我嘅人，睇到我好用心演戲，多謝大家。」其實尹詩沛今年才30歲，但過往總是安排扮演師奶等人物，繼《十八年後的終極告白》演豬肉婆後，今次又演菜販冬瓜嬌，會否擔心被定型？「我冇乜嘢所謂，我一直都keep住冇停過拍劇，角色上（發揮）越來越好，街市婆同師奶都唔係咁容易做！我都係呢方面的專家。定型我唔怕，因為呢類角色比我自己年紀大少少，喺呢種背景下會比較有爆發力，日常生活運用唔到嘅情感，都可以靠呢啲角色發揮出嚟。」她笑言快將為新劇開工，「終於要演夜蒲少女嘞！要落力減肥，重拾十年前夜蒲生活嘅感覺。」

（點擊圖片放大）

同場加映：蕭正楠孖老婆黃翠如朝朝晨跑 莫非強身健體為生仔？

{{hket:ul-video id="3044"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 
 

責任編輯：楊安莉