珍藏開箱│袁偉豪被老婆套密碼Check手機 驚見女仔相 即阻張寶兒公開

袁偉豪（Ben）和太太張寶兒（Bowie）去年11月於清水灣愛巢簽字結婚，婚後不時在網上放閃曬恩愛，又一起拍片做YouTuber，分享二人新婚生活。昨晚最新上架的影片中，Ben分享從舊屋搬過來的私人珍藏，當中包括幾部舊手機，即時引來老婆Bowie的關注；Bowie不斷試開舊手機，又追問老公開機密碼；最爆笑是成功開機後，Bowie第一時間就Check手機相簿，搞到Ben要即場阻止，免得「絕密」圖片被公開。

{{hket:inline-image name="06041001.jpg"}}{{/hket:inline-image}}

{{hket:inline-image name="benontheroad13167303.jpg"}}{{/hket:inline-image}}

四十不惑︱袁偉豪有樓有車「人生勝利組」 不枉打拼十年事業家庭現「春天」【下一頁】

Bowie在影片開始時，表明今次想做歷史審查，要知另一半以前究竟是個甚麼模樣的人；Ben即得戚話「犀利喇，其實好多嘢都收喺個心度，有啲嘢你審查唔到，今日就攞一部分出嚟同大家分享吓。喺現今嘅科技世界，睇番十年前嘅產品好似好耐，但我又唔捨得掉，於是決定儲起某啲，今日畀大家睇吓。」

Bowie提議由一些最常用來識女仔的物品講起，Ben就揀先分享蘋果系列手機。片中見Bowie很快進入作戰狀態，試開手上的舊手機，話會有以前的紀錄；Ben就輕描淡寫回答是雲端資料，跟現在手機裡面的內容一樣；Bowie繼續追問老公舊手機裡藏有甚麼相，對方答下一步再講，又笑老婆想開自己手機睇。由於前一晚無充電關係，舊手機未能開啟，Bowie即時笑問：「你有咩秘密唔畀得人睇呀？」當舊手機完成充電後，Bowie第一時間想開機睇有咩秘密，並問老公手機密碼；順利開機後又要睇相簿，Ben見狀即話：「呢啲唔出得街㗎，唔好擺人上枱！」

Staycation短片｜張寶兒「寵壞」老公袁偉豪反應冷淡 相對無言撳電話步入「倦怠期」？【下一頁】

最終Ben也被公開舊手機中的第一張相，是他年輕時的相片；之後又小心取回手機細閱，似在檢查有甚麼絕密照。不過Bowie轉頭又搶回電話，並說：「睇吓有冇啲女仔先。」Ben煞有介事話冇，後來又改口話：「其實有，不過唔可以畀你睇。」然後公開了一張他扮展昭的造型相，打圓場說：「裡面有咩唔重要，我覺得呢啲舊產品可以再開到機，有時攞番出嚟睇係幾開心，可以懷緬一下。」接著Ben繼續介紹餘下珍藏，包括蘋果第一代手機、Sony Ericsson鍵盤式手機、PDA、連影相功能手錶、卡式錄音機及閃卡等，他更膽粗粗話PDA是由前度女友所贈送的。

（↓點擊放大睇圖片↓）

Bowie在網上的留言亦很抵死：「老公從舊居搬回他的珍藏，就讓我們一起看看他的秘密吧！看看舊手機裏有沒有以前追女仔的證據，哈哈！」其實Ben跟Bowie拍拖結婚之前，曾與岑杏賢有過一段情，二人拍拖3年時間，於2016年在社交平台宣布「分」訊，不知Ben舊手機內的女仔相會不會就是岑杏賢的照片？

同場加映：蕭正楠孖老婆黃翠如朝朝晨跑 莫非強身健體為生仔？

{{hket:ul-video id="3044"}}{{/hket:ul-video}}

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】