大爆ERROR秘密｜193繼續敢言公開鬧餐廳「呃錢」 自認「鬧公司界KOL」感謝ViuTV包容

ViuTV組合ERROR成員193（郭嘉駿）早前到衛詩雅的YouTube節目《衛食攻略》任嘉賓，不但大談擇偶條件，更大爆ERROR秘密。

{{hket:inline-image name="193.png"}}{{/hket:inline-image}}

193與衛詩雅重返首次見面的餐廳，其實該餐廳是由193的好友所開，他自言本來也有開咖啡店的計劃：「同呢度模式差唔多，下晝係咖啡店，夜晚賣雞尾酒配水煙。」一向言行大膽的193更毫不留情面地指出面前食物的「成本價」，更笑指友人「呃錢」。不過後來認真試過後又覺得不錯，「佢又唔似平時呃錢嗰啲味」。衛詩雅問他想開餐廳係咪都想「呃錢」時，他即：「賺錢為本，我會修飾啲講，唔係呃，係你情我願。」

（↓點擊放大睇圖片↓）

193被問到如果首次與女生約會，會帶她到哪一種餐廳，「我會帶佢去可以打卡為主嘅餐廳，幫佢影低有「男友視覺」嘅相，幫到佢呃Like，就𠱁到女仔。」193又透露自己過往最高的女友只有大約1.65米高，「大家成日以為我高一定會揀高嘅女朋友，但我從來無高嘅女朋友。如果揀女朋友就會睇內在，總之大家合眼緣、合拍、有話題就可以喺一齊。我鍾意好白嘅女仔、可愛啲。」

{{hket:inline-image name="193H.png"}}{{/hket:inline-image}}

衛詩雅聽到後就指咁193唔會鍾意佢，佢指自己皮膚黑，同埋好鍾意小動物。一直好驚動物嘅193隨即「拒絕」對方，「咁我哋唔夾，對唔住。我唔係唔鍾意動物，我係驚，好驚多毛嘅嘢，唔知佢哋諗咩。(食屎同攬狗仔二揀一？) 一定係食屎，當年《花姐ERROR遊》清水健親手餵過我食草食動物糞便。」

{{hket:inline-image name="193V.png"}}{{/hket:inline-image}}

衛詩雅提到家中養了7隻不同種類的貓狗，193表現驚訝：「咁癲？你開動物園？我直頭上唔到你屋企門口。」又自爆每次出走廊掉垃圾都覺很好驚，每次經過有養動物的住戶門外要故意放輕腳步，驚被鄰居的狗吠。

193自認是「鬧公司界KOL」，「電視台、或者任何一間公司唔會容許旗下藝人鬧佢，(有無因為咁令你被call番公司？) 咁又無，好多謝公司，如果我入咗其他公司一定被人雪藏，第一日已經被人雪藏。」佢又指自己除動物之外無驚嘅嘢，「我唔會好驚任何人，連花姐 (經理人) 都唔驚。」

（↓點擊放大睇圖片↓）

他又自認是全公司「最飲得」，自稱外號是「九龍灣千杯不醉」，而ERROR成員來說第二能喝是保錡、阿Dee第三，肥仔最係最唔飲得：「有次去日本工作，佢喝了半杯雞尾酒就醉，之後佢開始搵藉口話自己氣管敏感，叫大家唔好叫他飲。」

193又爆成員秘密，指其餘三位都很喜歡上大號，爆出阿Dee的外號係「屎哥」：「我想全公司甚至全行都知ERROR喜歡屙屎，我是個比較內斂的人，會在家上完再出門。而我的隊友每日開工前、Roll機前都會屙屎，所以我人生可能有三份一的時間都係等他們屙屎、等埋位。」

{{hket:inline-image name="193p.png"}}{{/hket:inline-image}}

193現在人氣高企，亦是一些人心目中的男神。被問到自己的心目中男神是進，他表示有三位偶像，分別是黃子華、古天樂及跟他同樣出自《全民造星》的姜濤。他指黃子華轉數快、幽默及好聰明，細細個已迷戀對方。至於古天樂是男神的榜樣，讚他涉獵許多生意還不忘做善事。

（↓點擊放大睇圖片↓）

193常自稱自己是ERROR中的姜濤，原來他亦很喜歡姜濤，「唔係嗰種鍾意，但好尊敬佢。佢每次表演都好勤力，對自己要求好高。由《全民造星》出來之後很快已經去到一個好高的位置，但他仍然保持著謙遜的心，鞭策自己，仲會照顧身邊的隊友，想所有人一齊好，而非他一個人好，所以佢真係男神的榜樣。」