新冠肺炎│吳家樂無懼隔離只為一家五口團聚 罕曬三子女近照 網友：好似媽媽

吳家樂與太太周蕙蕙於2006年結婚，婚後育有一女兩子，三個小朋友皆在英國留學。前晚《我在隔離的日子》播出的一集，家樂罕有分享小朋友的近照，並講述他們一家人去年12月初，在英國如何面對疫情爆發，究竟選擇留在當地，還是盡快返港呢？

{{hket:inline-image name="06051002.jpg"}}{{/hket:inline-image}}

{{hket:inline-image name="0604031002.jpg"}}{{/hket:inline-image}}

【豪門女婿】吳家樂娶富家千金變46億駙馬  歐陽震華太太係香港傳奇家族後人【下一頁】

家樂說：「因為我三個小朋友唔同學校，其實佢哋有啲輪盡，如果當中係檢測或交通上有任何問題出現，一個返嚟好定三個返嚟好？定三個都唔返嚟？我哋飛過去？既然咁多不知名可能性發生，我同老婆就決定請假飛過去陪佢哋，佢哋返番學校時，我哋就返香港。當時喺12月24號，英國首相約翰遜就話我哋有變種病毒，我覺得唔緊要，我哋一家人喺度，咪睇吓咩情況。」

直到當時香港公布入境的新政策，英國列為禁飛區，家樂意識到他們將會有一段時間，不能夠從英國飛返香港，「咁點算呢，我哋繼續留喺英國定返香港呢？我哋（決定）同學校請假返香港，因為我哋去完一個地方隔離完21日，然之後番香港又21日，如果中間佢哋有咩事，我哋唔可以即刻照顧到，當我哋一決定到（先）飛去杜拜。第二日一起身就聯絡去買機票，嗰時（香港）政府就話會將杜拜變成B區，我話死嘞，即係杜拜都開始爆發（疫情），即係（杜拜）有機會變為A區，係同英國一樣，唔准（飛）返香港，咁即係我哋就好蠢由一個火坑跳去另一個火坑。我哋就去搵一個C區地方，就決定去巴林（杜拜附近）嗰邊先，因為無咩人去嗰度旅遊，唔多遊客嘅話，就唔會有咁多病毒帶去嗰度，我哋就喺嗰度隔離。」

至於隔離時一家人的情緒會否很不安？「你話我哋情緒係咪好不安、好癲，但又唔係，正如後先所講嗰樣嘢，只要一家人齊齊整整，唔好有病有痛，我哋其中一個人有事，我哋成個人就要滯留，甚至被人帶去醫院。總之我哋每日期望唔好有唔舒服，只要我哋冇唔舒服，我哋訂到機票上到機，返到嚟香港，要隔離21日、38日都無所謂。所以我同人哋講，無一個家庭好似我哋咁隔離得咁開心，因為我哋有得倒數。」

《愛回家》吳家樂轉型踩入初戀Cafe做大廚 陸浩明Po相自爆將客串演出？【下一頁】

此外，節目亦有訪問徐榮14歲兒子徐朗（Karson），分享在英國體育學校讀書情況，他表明疫情期間會日日向爸爸徐榮報告行蹤，「一有空閒時間會打畀佢哋，同佢講我做咗啲咩，我遲啲又會有咩活動會做，佢啲可以做啲準備。若果我真係有事，會知我發生咩事，學校會唔會幫我，令佢哋無咁擔心。」徐朗去年9月因疫情嚴重曾返港，直至今年4月才回去繼續學業，這程更要接受隔離，「我喺學校隔離10日，喺房做功課，打機，做運動，會畀我出去花園每日行20分鐘，吸吓新鮮空氣，有時困喺間房好悶。」

（↓點擊放大睇圖片↓）

徐榮亦有出鏡講囝囝因戴口罩曾被同學取笑，「上一次9月（過去）就有，同學問佢做乜戴口罩？仲笑佢話唔使，戴咩。（囝囝有堅持戴？）佢堅持，學校都有香港學生，有啲師兄同佢講唔使理，最多笑你戴口罩，唔會有太激烈行為。（有想過遲一年才讓囝囝去英國？）佢學校又幾好，有幾個月網上上堂時，交學費時有問我，話你哋可以交70%（學費），不過…如果你哋交埋其餘30%，我哋會用來抗疫，咁我都當幫幫手，照交十成十嘅學費。後尾佢飛返過去，又有一個學期要交學費，睇Statement時點解咁平，原來收咗我半價，主動收半價。」徐榮又爆囝囝上次返港隔離時，最初兩日是好開心，因為可以日日打遊機，後來從窗口望到人在球場踢波時最慘，不過都幾佩服他可以完成14日隔離。

同場加映：蕭正楠孖老婆黃翠如朝朝晨跑 莫非強身健體為生仔？

{{hket:ul-video id="3044"}}{{/hket:ul-video}}

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】