【聲明】港生活網站並無進行電話推廣活動

老公內地工作多應酬 周家蔚爆洪天明:唔講酒店名同房號

發佈時間: 2021/06/07

周家蔚和洪天明結婚九年,婚後誕下大仔洪大仁及細仔洪竟琋,為照顧家人生活,洪天明近年經常北上工作賺錢養家,更試過跟妻兒分隔兩地八個月。前晚周家蔚亮相無綫節目《日日媽媽聲》,自爆曾向天明詐型,又封鎖老公手機,更試過要求他「供出」酒店名稱及房間號碼,但天明卻經常遺忘,主持羅敏莊即質疑天明刻意拒絕「招供」。

周家蔚前晚與好友姚樂怡接受主持余安安、陳凱琳和羅敏莊訪問,大談夫妻聚少離多,如何維繫婚姻。家蔚直認老公天明經常不在港,試過最短離家一個月,最長八個月︰「初初唔知要咁耐,因為疫情,所以一個月又一個月咁延續落去,開頭好唔習慣,後嚟都已經唔再求佢返嚟。」期間,熒幕播出天明離家八個月後返家的情況,當時大仔洪大仁看見爸爸即激動爆喊兼擁抱,場面感人。家蔚坦言當時天明想給她驚喜,但因為感覺陌生,所以自己第一個反應卻是推開老公︰「因為太耐無見,我想離遠少少望清楚佢,攬住就睇唔到;我個仔就『兜巴星』自己,佢想知係咪真係見到嗲哋㗎!」

不求大富大貴住靚屋

近年主力在內地搵真銀的天明,早年曾被拍得夜蒲後帶女生返酒店,事後他澄清是一場誤會,強調無背叛太太,家蔚亦對老公投以信任一票。不過,家蔚在節目中坦言不放心老公在內地工作:「有無其他嘢擔心?有㗎!我講無你信唔信吖?因為佢好多應酬,見好多人,又成日飲酒。佢成日出差要住酒店,每次我都叫佢畀低酒店名同房間號碼我,但佢成日都唔記得。」羅敏莊聞言笑笑口反問︰「唔記得定係特登唔畀呀?」家蔚表示︰「咁我當然會追問佢啦,點解你無畀㗎!」

家蔚指夫妻試過因長期分隔異地而吵架,她會出殺手鐧︰「我會block咗老公電話,但佢試過喺有我老爺(洪金寶)同細佬妹嘅家庭群組內,問我『幾時肯unblock番』,我係有啲尷尬嘅。」不過,眼見天明辛苦工作賺錢養家,家蔚寧願老公賺少點錢,也希望他多點留港陪伴家人︰「我成日咁同佢講,我唔需要好富貴、住靚屋,只希望一家人可以一齊開開心心過生活。」

撰文︰Pat

美術︰梁政敏

老公內地工作多應酬 周家蔚爆洪天明:唔講酒店名同房號

周家蔚感激天明回家後,會幫忙處理家中大小事務,彌補她過往的辛勞。(電視截圖)

老公內地工作多應酬 周家蔚爆洪天明:唔講酒店名同房號

天明返家時,大仔洪大仁即衝上前攬住爸爸激動爆喊。(電視截圖)

老公內地工作多應酬 周家蔚爆洪天明:唔講酒店名同房號

陳山聰(左)在《日日媽媽聲》中拒認大花筒,但卻曾花數萬元買一對鞋。(電視截圖)

老公內地工作多應酬 周家蔚爆洪天明:唔講酒店名同房號

黃澤鋒與陳麗麗帶同快將兩歲的愛女「小黃妃」黃熙恩上節目。(電視截圖)