楊千嬅大提琴當結他打橫彈

近年主力在內地發展的楊千嬅，早前上內地綜藝節目《為歌而讚》時，獻唱譚詠麟《一生中最愛》，獲內地網民大讚她的歌聲如「行走中的CD」，跟本地樂迷批評她唱功一般，反應兩極。千嬅前晚在《為歌而讚》「百讚音樂盛典」直播騷中，再次與男歌手余佳運合唱《一生中最愛》，表現再獲內地歌迷讚賞。

不過，千嬅早前為宣傳節目拍攝一輯型格相片，穿上黑衫的她雖然表情cool爆，但其中一張相，她以彈結他的姿勢打橫手持大提琴，有網民表示「大開眼界」，有人批評「尊重下啲樂器好喎？呢樣嘢係咁彈法嘅咩？」但有人指出大提琴的確可用手指撥弦，只是較少人打橫彈；亦有網民笑指千嬅「唔使用肩帶，臂力驚人」。另外，千嬅兒子Torres前日九歲生日，身為廿四孝媽咪的千嬅，為囝囝準備了《寵物小精靈》的精靈球造型生日蛋糕，不過千嬅與Torres只見半邊面，沒有上載全家福。