張敬軒食炭燒海參過勁灰星期一

張敬軒的工人姐姐（遮遮）去年憑「另類」早餐成功爆紅，令軒仔成為「早餐界KOL」。今次雖然有軒仔母親隔空幫遮遮手，卻再鬧出笑話。軒仔稱︰「老母問到呢期一日三餐食唔食得齊，講講下佢叫我遞個電話畀我阿遮（遮遮），佢（母親）話醒起之前幫我發定咗啲嘢急凍（在冰格），話會教遮煮一啲滋陰啲嘅嘢畀我食。」然而軒仔聽到大量雞同鴨講的國語，令他有不祥預感。

昨日，軒仔起床後，見到黑色碟上有兩條黑到似炭的「食物」，用刀鋸也鋸不開，「黑炭」相信是軒仔媽媽一早預備的海參。軒仔無奈道︰「當你以為搵阿媽出手就會有好日子過，你就錯了。你以為代表星期一隻色淨係Ｍonday blue，我仲有隻Ｍonday grey吖，勁灰星期一！」