《開心大綜藝》直播變錄影 曾志偉解畫︰讓路畀《聲夢》

無綫綜藝節目《開心大綜藝》前晚錄影廣播界前輩Uncle Ray的榮休特輯，雖然《開心大綜藝》標榜是直播騷，但六月只得父親節當晚會做直播，其餘都是錄影播出。無綫高層曾志偉前晚錄影廠解畫，原來事件與歌唱比賽《聲夢傳奇》有關。

曾志偉前晚解釋，《開心大綜藝》因錄影廠搭景問題，近期需要錄影播放：「其實係《聲夢傳奇》個低台比較難搭，以前遷就到可以一星期錄兩集，但依家學員少咗，佢哋需要好多時間去練習新歌，真係無辦法，我哋都好想直播，始終個節目推出係希望緊貼時事。」

另外，為配合下月東京奧運，志偉表示已落實拍攝四集「明星運動會」節目，將安排在《開心大綜藝》時段播出：「節目有拳擊、羽毛球、田徑等，相信會好好睇。我哋部分大隊已經出發咗去東京，預計會派20、30人分批去。因為嗰邊隔離政策日日唔同，目前係三日喺酒店、14日點對點採訪，其餘時間邊度都唔去得。」

阿倫戴住口罩釣墨魚

前晚林子祥（阿Lam）、溫拿及肥媽等，齊齊現身支持即將榮休的Uncle Ray。阿Lam笑說：「如果Uncle Ray等多四年，到佢100歲先榮休仲勁。」阿Lam表示自己大部分工作因疫情煞停：「呢段時間惟有注重下身體，做多啲運動，又食少啲。」阿Lam依然保持瘦削身形，但同場的譚詠麟（阿倫）卻變了大碼，阿Lam笑說：「佢不嬲都係呢個樣㗎啦！」

溫拿「三虎」阿倫、彭健新及陳友，前晚在節目上與葉志強及鍾鎮濤隔空以視像jam歌。阿倫說：「Uncle Ray係第一個播溫拿歌曲嘅DJ，我哋第一部拍嘅電影《大家樂》，Uncle Ray都有演出。」另外，三人早前一起出海釣墨魚，阿倫強調：「我哋全程都有戴口罩，而且唔係開派對。」

採訪︰Pauline

攝影：林良明

美術：梁政敏