馬浚偉公開年齡嚇親│劉小慧爆姊妹黎瑞恩花名係豹姐 「佢前夫話佢最啱開善堂」

繼黎瑞恩和湯寶如之後，她們的好姊妹劉小慧昨晚接受馬浚偉電台節目《同理‧繼續傾》訪問。沒想到節目一開始，馬浚偉就談到兩人的年紀，馬仔說：「我一直以為你細我好多，原來你大過我！」馬仔補充兩人是同年出生，不過小慧比他大3個月；而小慧1988年已經開始做模特兒拍檸檬茶、信用卡和菲林廣告；馬仔笑稱當年仍在求學中，小慧大方說：「係呀，我7月入『五』呀喇！」

名人啟示錄│湯寶如得悉囝囝判斷專注力不足 暫別幕前進修學照顧特殊兒童【下一頁】

{{hket:inline-image name="187203291_4116742438384241_8910274652675864808_n.jpg"}}{{/hket:inline-image}}

小慧憶起自己拍過三部電視劇，分別是《成功路上》、《我愛牙擦蘇》和《走佬新郎哥》，她形容：「喺電視台拍劇比做咕喱（苦力）仲辛苦……」馬浚偉笑言不敢完全認同，不過就指藝員拍劇唔止要花上勞力，還要保持住個樣加記好對白，絕不容易。

小慧在寶麗金唱片公司成長，與湯寶如和黎瑞恩被形容為「寶麗金三小花」。她大爆當年黎瑞恩的花名叫「豹姐」，湯記衰衰直接叫「肥豹姐」，她說：「我哋三朵小肥花，冇腰呀，係湯記好少少，不過三個生完仔女之後都好不濟。」

小慧形容大家初初出道，賺錢不多，但每逢在寶麗金公司樓下見到乞兒或者小攤檔，黎瑞恩會幫襯他們，買光所有東西，「呢樣嘢影響我好大，以前行過路過都會畀少少錢乞衣，但如果見到婆婆執紙皮，唔係行乞，我就唔係好敢去做。但見到黎瑞恩嘅行為，我有動力主動上前，畀少少錢婆婆叫佢唔好執，去買嘢食好好休息。」小慧又表示記得黎瑞恩前夫曾講過一句說話：「『佢（黎瑞恩）冇嘢啱做呀，開善堂啦！』」

（↓點擊放大睇圖片↓）

黎瑞恩生死有命拒檢查腫瘤8年 愛女遺傳靚聲唱歌了得被拒入行【下一頁】

馬仔問到劉小慧會否再做幕前的工作？小慧說：「我而家每個星期都有網上直播。我都活到人生一半，想繼續享受人生，呢幾十年做咗Hea人，兩個女都22歲同14歲。嚟緊我會做自己更加喜歡嘅事，我把口唔係鍾意唱歌，係鍾意講嘢……我夠膽講自己係家品女皇，有咩需要朋友都會問我，所以我先封自己係『得閒修女』！」

{{hket:inline-image name="LA_600.jpg"}}{{/hket:inline-image}}

同場加映：男團ＭIRROR成員Anson Lo、Edan、 Ian七月網上開騷 三子誓要演出有驚喜 Ian生日竟派利是？

{{hket:ul-video id="3075"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉