自殺大考驗｜男友聲稱家境不好患情緒病 港女不離不棄驚悉真相怒分手

被另一半瞞騙的感覺實在不好受。一名港女發文透露，指跟男友交往時已知對方家境貧窮，亦因被同學欺凌而患上抑鬱症；惟她未有嫌棄對方，更處處為他著想，不讓對方花錢請客或買禮物，交往期間亦不斷為男友付出。日前男友突然衝出露台欲輕生，事主見狀馬上安慰，未料對方突然坦白自己的家庭背景和患情緒病全屬虛構，一切只是個考驗。對此，事主深感不滿，憤而提出分手。

一名21歲女網民上周二（1日）在網上討論區「Dcard」以「男朋友講完當我結婚對象之後我秒分手」為題發文，表示自己跟同齡男友是在做兼職時認識並相戀。她指二人交往後的第一個星期，男友已表明自己家庭環境「好差」，家住赤柱公屋，父親欠下一身債務卻不肯去工作，全家僅靠母親打兩份工糊口，而男友本身亦因從小缺乏家庭關愛和被中學同學欺凌而患上抑鬱症，事主形容：

「雖然（男友）已經好番啲，唔使食藥，但係未康復，跟住佢同我講驚拍拖累咗我，話趁而家感情仲未深厚，我要走嘅話佢唔怪我。」

未嫌男友家境差患情緒病

事主聽後絲毫未有嫌棄男友，「因為我係真心鍾意佢，我同佢講我會畀到你幸福」。隨後交往的1年多，她知道男友為了面子常常希望為她付款，但外出用餐時她總會「拉佢食平嘢之後AA（制）」，即使是紀念日也不會要求男友請吃貴價菜或送價值高於150元的禮物；反而男友生日時，事主為讓對方開心，會預訂「最好嘅酒店、最好嘅餐廳」。此外，她亦會搜尋相關資料學習跟男友相處，她表示：

「知道佢（男友）有情緒病，我就不停上網同埋睇書搵點樣同情緒病人相處，每次佢有唔開心，我都會即刻陪喺佢隔籬聽佢講嘢，亦都唔敢刺激佢，直到噚日我都好慶幸佢一年來都冇試過情緒病復發。」

分手要狠｜妻子突拋下一句話斬斷13年感情，港男等足5年未放下：戇居嗎？詳情即睇：【下一頁】

驚悉真相氣怒：全部都係佢嘅考驗

直至日前晚上，事主指男友突然在其家中崩潰大哭，甚至衝出露台稱「好想自殺」。她以為對方抑鬱症復發，遂馬上抱住他加以安慰，未料10分鐘後男友入房表示「已經決定當我係結婚對象」，並坦白自己家境不好和有情緒病都是捏造，「全部都係佢嘅考驗」。

事主透露男友實際上是住赤柱私樓，「唔怪得我從來冇見過佢屋企人，同埋去過佢屋企」，家中不愁衣食住行，而他本身亦沒有被同學欺凌和患情緒病，

「全部都係佢（男友）對另一半嘅考驗，佢覺得過埋熱戀期、經過呢啲考驗，另一半都唔離開佢嘅話就值得娶，仲話佢屋企人決定送第二間屋畀佢住落佢名，叫我同佢一齊同居。」

不滿被騙一年多提出分手

事主得悉真相後以家人作藉口，要求男友馬上離開，隨後傳訊息向對方提出分手。她直言自己從未介意男友出身貧窮或有情緒病，卻不能接受對方欺騙她整整一年多，

「佢呃足我一年幾，我真係頂唔順，我覺得佢雖然冇情緒病但有精神病！仲有考驗呢一樣嘢究竟係幾冇信任、幾冇安全感先做得出？最嬲嘅係拍咗一年幾做咁多都仲未信晒我，最後係有樓，想叫我同居所以嚟個自殺大考驗。究竟係有幾自卑、幾驚我呃佢錢、呃佢感情先做得出啲咁嘅嘢？」

她透露男友後來不斷道歉，惟她亦沒有接受，更打算直接封鎖對方的聯絡方法。最後她補充，正當她欲封鎖對方之際，對方傳訊息希望「挽留」她，

「佢話如果我分手就冇可能搵到一個21歲就有樓揸手嘅男人，之後我同佢講如果我嗰日貪佢啲錢就唔會同佢喺埋一齊、唔會Pass（通過）佢考驗，加多句『你都OnXX自相矛盾』之後，佢自己Block（封鎖）咗我。」

網民：以為自己有幾百億要繼承？

不少網民看到帖文後，均批評事主男友「考驗」二人感情的方法不當，認為任何一方說謊已是欠尊重和信任的行為，認同事主盡快跟對方分手，亦有人揶揄男友是否看太多電視劇，「以為自己有幾百億要繼承？」：

↓ 點 擊 圖 片 放 大 ↓

同場加映：

晴報專訪｜港男仵工由低做起見盡凶宅屍蟲 自爆「撞鬼」經歷要靠師傅開解

{{hket:ul-video id="2863"}}{{/hket:ul-video}}

三角關係？｜拍拖4年女友5年前曾與好兄弟一夜情，港男難接受：佢哋有隱瞞事實嘅感覺，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀