《造美人》︳女版KLau Miko得網民歡心成大熱 地盤女工OK對答惹笑 強尼都投降

ViuTV的另類選美真人騷《造美人》昨晚首播，觀眾期待16位參賽者「真身」究竟有幾「岩巉」需要整容大改造？而賽制上，會在16強中淘汰4位進入下輪比賽；第一集有7位參賽者出場，當中5名入圍等待改造，賽前已被網民熱烈討論的1號芷橋、2號Kathy、4號Miko和6號OK亦成為焦點。

{{hket:inline-image name="04.jpg"}}{{/hket:inline-image}}

2號Kathy是第一個出場，充滿自信及「勢要一世都要靚」的性格，成功打入12強！（電視截圖）

{{hket:inline-image name="13.jpg"}}{{/hket:inline-image}}

「女版K Lau」Miko，唔知點解大受網民歡迎。（電視截圖）

{{hket:inline-image name="06.jpg"}}{{/hket:inline-image}}

1號芷橋性格欠自信，予人受害者之感，卻不受評判團喜愛。（電視截圖）

《造美人》︳ViuTV再玩另類選美 整容變女神 16強登場驚見孔慶翔K Lau複製人 【下一頁】

第一位出場是2號Kathy，她是模特兒和直播頻道主播，宣傳照發放時網民已讚「個樣唔差」，她承認臉部打過肉毒桿菌，額頭打了透明質酸。司儀強尼問Kathy「有冇人話你過整容？」Kathy表現自信說：「有！但我係唔會理佢哋，靚係畀自己睇，唔係畀佢哋睇，我無論幾多歲都要靚。」其「間尺鼻」疑似整出嚟，則獲美容師親自驗證是天生麗質，雖然被指「調整空間唔多」，但亦打入12強。

到1號芷橋出場，之前的素顏照勁嚇人，她稱不憤男友嫌醜被飛，由割雙眼皮、隆鼻、箍牙、做Gym，花了3、40萬去台灣整容，可惜未有變靚，評判團指芷橋是心態出問題欠缺自信，不能做到由內靚到外的效果；芷橋跌入「候補區」，返回後台時情緒激動難平爆喊，「我都想堅強，我都想愛自己，可唔可以教我點愛自己？」另外評判指出5號任職空姐的Georgia太平凡，同樣跌入「候補區」等候發落！

（↓點擊圖片放大睇↓）

輪到3號AB，其職業是健身教練，但身型完全唔達標，皮膚亦很差，評判團中的健身教練Allen忍不住說：「我經常同學員講『你的教練如何，你的樣子必定如何……」含沙射影AB是hea爆健身教練，但都能進入12強。

之後到網民被封為「女版K Lau」的Miko，她是唯一一位媽媽級參賽者，之前未見「真身」時網民都指「惡形惡相」；Miko第一集現身台上自我介紹時，表現得好funny，尤其播出面試時與評判對話，知道可以免費抽脂、豐胸、祛橙皮紋時，好雀躍說：「可能到時我靚咗，ViuTV會簽我呢！」哄得現場所有人笑聲四起，晉身12強冇問啦！強尼讚她「越傾越發覺佢一啲都不惡，反而覺得靚……」Miko抵死回應︰「我有老公喇！」

另一位受網民關注的6號地盤工OK，在台上表露豪邁真性情，「我平時返工戴眼鏡，搽埋防曬，著埋件死人公司制服……唔好意思，我辭咗職嘞！」識得搞氣氛，強尼和評判爆笑，而對於「變靚」睇法，OK認為自己ok，「但眼袋比較嚴重，腮骨大，同臉上好多斑……」有趣的是她以為節目只是輕鬆扮靚，完全不知是選美；OK亦入圍12強，被形容為「改造你好似做一架穿梭機咁難。」另一位入圍的是8號港印混血兒Shweta，成熟樣子下原來才23歲，真係大把改善空間。

（↓點擊圖片放大睇↓）

撰文：衛紫敏

同場加映：男團MIRROR成員Anson Lo、Edan、Ian七月網上開騷 三子誓要演出有驚喜 Ian生日竟派利是？

{{hket:ul-video id="3075"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

台灣疫情｜邵珮詩因疫情停工暫未有回港打算 曾接受5次隔離嚇怕：好辛苦 【下一頁】