調教你MIRROR｜梁祖堯指12子鏡頭前對話好假 花姐爆同「契仔」Ian有距離：成日嘈交

ViuTV節目《調教你MIRROR》於昨晚（7日）首播，MIRROR十二位成員接受梁祖堯的「調教」，期間斷絕經理人保護及拋開偶像包袱。成員間更會激罕深情剖白，互相借鏡學習，希望令眾人進化成更團結的「Better MIRROR」！

同場加映：《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟呀嘛」

{{hket:ul-video id="3132"}}{{/hket:ul-video}}

MIRROR經理人花姐拜託阿祖出手，希望幫助MIRROR尋回初心，她解釋︰「我覺得佢哋入行和其他人唔同，由一班素人、參賽者，完全無經驗咁成為藝人，好多事情佢哋無經歷過，唔知道娛樂圈有好多引誘、挫敗。入行後佢哋有好多迷茫，迷茫期好容易令佢哋走歪……呢個時候需要你幫佢哋調整。」阿祖表示：「佢哋思維方式唔同、行動力唔同、質地唔同，冇可能冇衝突！唔怪之得花姐要咁保護佢哋，唔保護佢哋就會唔知飄晒去邊度。」

{{hket:inline-image name="mirrorr.png"}}{{/hket:inline-image}}

{{hket:inline-image name="sdcsz.png"}}{{/hket:inline-image}}

原來早在《全民造星III》總決賽當晚（去年12月26日），阿祖已秘密地開始為《調教你MIRROR》做準備。當時阿祖表示自己只認識部份成員︰「姜濤、AK（江𤒹生）完全未傾過偈，最多都係打招呼。」他又在廠中「扮偶遇」，分別問MIRROR：「你哋覺得MIRROR紅唔紅？」姜濤當時表示「一般」紅，而盧瀚霆（Anson Lo）、李駿傑（Jeremy）和陳瑞輝（Frankie）則表示不夠紅，有待進步。

{{hket:inline-image name="mirrorr2.png"}}{{/hket:inline-image}}

今年4月1日，阿祖與MIRROR十二位成員出發到梅窩，眾人分成4組在中環碼頭集合，阿祖在二樓偷偷睇MIRROR集合情況。結果隊長楊樂文（Lokman）、姜濤、李駿傑（Jeremy）、盧瀚霆（Anson Lo）、王智德（Alton）、柳應廷（Jer）和陳卓賢（Ian）通通遲到！

（點擊圖片放大）

阿祖又點評MIRROR當中以姜濤最有星味，「邊個最似明星？明星唔喺工作嘅時間都有一種形象，好低調地話畀人知佢係明星，邊個做到呢點？姜濤！佢全身黑色加漁夫帽，充分地表達不合常理嘅低調，一種引人注目嘅低調……佢嘅日常生活真係可能要遮晒全身，如果唔係出唔到門口。」

{{hket:inline-image name="MIRRORR29.png"}}{{/hket:inline-image}}

阿祖一邊偷聽MIRROR傾偈，一邊在隱蔽處說︰「佢哋傾偈內容似做緊節目，始終見到鏡頭慣咗，冇辦法真係傾偈，假嘅啲嘢！無可厚非都係做番節目啲嘢，希望入到camp有啲改變。」續說：「今次節目又叫《Be a Better MIRROR》，一塊好啲嘅鏡，照埋去會見到你自己，如果你可以見到喺別人眼中嘅自己，就會有動力繼續行落去！」令不少觀眾期待十二子會有甚麼變化。

{{hket:inline-image name="MIRRORR25.png"}}{{/hket:inline-image}}

明晚（9日）播出的一集將圍繞Ian，他認為MIRROR不如初初成軍時般齊心，「力量比起我哋成軍第一個演唱會時薄弱咗」，全因大家需要兼顧各自的工作，令眾人步伐不一致。花姐希望今趟旅程，阿祖可以幫「契仔」Ian「open up」自己。

花姐直言Ian有幾個地方令她擔心，「令人覺得同佢有好大距離，呢種距離連我同佢都有！遇到問題或者唔開心都唔會講，咁樣容易令人有誤會……」她自爆經常跟Ian嘈交，阿祖亦覺得他非常保護自己，「有點難搞……」阿祖安排Ian、Jer到麵包店跟老闆阿Kit學整麵包，原來老闆是Ian的忠實粉絲；過程中她的一句說話說hit中Ian，令他的心情頓時變得複雜。

（點擊圖片放大）

無綫變陣迎戰ViuTV《調教你Mirror》│全體素顏入Camp邊個最貪靚？ 姜濤認肥腫難分：有啲絕望 【下一頁】

同場加映：男團MIRROR成員Anson Lo、Edan、 Ian七月網上開騷 三子誓要演出有驚喜 Ian生日竟派利是？

{{hket:ul-video id="3075"}}{{/hket:ul-video}}