逆天奇案│朱健鈞個性低調恨回港拍劇 「個仔睇完信Daddy原來拍戲嘅」

《逆天奇案》播放進入最後一星期，劇情再次掀起高潮，除了「殺虎案」續有新線索之外，主角森Sir（陳展鵬飾）背未婚妻Wing（林夏薇飾）與Ana（馮盈盈飾）發生關係，三角關係糾纏不清。今日主要演員再次出動做最後一次宣傳，驚見客串戲份已告一段落的朱健鈞現身，飾演蔣祖曼舊愛的他，令黃智賢、蔣祖曼的感情線再添一份未知之數。

逆天奇案│朱健鈞隔17年亮相港劇勾起回憶 監製劉家豪：佢性格真係好低調【下一頁】

{{hket:inline-image name="b9cc0879-5253-4d4d-a069-a11dc1e7d637.JPG"}}{{/hket:inline-image}}

朱健鈞在TVB拍攝的最後一齣劇集是《青出於藍》（2004年），事隔17年再次亮相港劇，不少觀眾指勾起回憶，特別是當年他初出道拍攝《少年五虎》（1993年）時演譚詠麟年輕版。現年47歲的朱健鈞接受《晴報》訪問時表示今次收到劇本演一位有錢又有型的富家公子，第一次接觸這類型人物，加上與監製之一的陳志剛相識已久，老朋友得悉他在香港，故邀請客串一角。朱健鈞說：「又冇唔習慣（拍攝港劇），同內地拍劇差唔多，不過香港拍劇就要捱夜，內地比較少，因為工作時間有限制，（掛住港劇？）我都掛，希望多啲監製搵我啦！」

提到網友們紛紛重溫他在《少年五虎》的演出，同時很好奇點解朱健鈞冇社交平台？他說：「其實又唔係低調，只係冇玩FB之類嘅社交平台，怕自己開咗之後冇時間覆人……會覺得唔好意思，覺得好似好難搵我咁，好似好神秘咁。（自己有冇重溫《少年五虎》？）唉，時間過得太快喇，呢排啲娛樂平台拎番舊片段出嚟，都幾得意……細細個啱啱出嚟第一份工，傻吓傻吓咁。」

朱健鈞驚喜回歸港劇微發福 《少年五虎》因撞樣痛失爆紅機會【下一頁】

朱健鈞早於2012年跟任職空姐的太太Elvina結婚，婚後育有一子，他表示囝囝都有睇自己的演出，他說：「以前返大陸拍劇，好少機會香港有得播，今次佢喺香港睇到，終於相信原來daddy真係拍戲嘅！佢覺得佢得意。咁啱播出嗰集我唔喺香港，如果唔係我一定陪佢睇。」經常到內地工作，疫情關係令原本已經不多的親子時間變得更少，「始終返內地開工，要預多啲時間隔離，為搵食，無辦法……所以只要留喺香港，都會抽時間陪陪佢。」同時表示有興趣拍TVB劇，「希望有更多時間留喺香港……聽聞《逆天奇案》開續集，希望再有機會見到大家。」

{{hket:inline-image name="be06e1ba-b231-4cb3-a42c-7c99dcf7e855.jpg"}}{{/hket:inline-image}}

{{hket:inline-image name="CHU10_600.jpg"}}{{/hket:inline-image}}

同場加映：朱健鈞回港客串《逆天奇案》  「個仔睇完信Daddy原來拍戲嘅」

{{hket:ul-video id="3137"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：梁榮達
責任編輯：楊安莉