田蕊妮杜汶澤隔空慶祝結婚16年 以麻辣鴨血喻婚姻：中途會想放棄

杜汶澤在2020年底以就業金卡到台灣居留，近半年除了拍節目、籌備年底的電影外，仲大搞出口食品生意，將台灣水果等當地產品運到香港出售。早前更創立個人品牌，產品一出就被搶購一空，成績相當唔錯！不過喺台灣事業嘅成功，伴隨住嘅就係同身處香港嘅老婆田蕊妮分隔兩地，幸好都無損二人嘅感情。

{{hket:inline-image name="51749400_1365028950304949_346291825716009797_n.jpg"}}{{/hket:inline-image}}

杜汶澤同田蕊妮結婚16年，身在台灣的阿澤未能和在港的阿田慶祝結婚周年，兩公婆只好透過視像慶祝。田蕊妮喺社交平台po相，相中正歎緊老公出品嘅麻辣鴨血，而阿澤就歎緊牛扒。阿田留言：「我一邊食一邊出汗，好刺激，真係好刺激！雖然好辣但係又會想繼續食落去！因為真係好好食！食食吓我同杜先生講，覺得呢盒麻辣鴨血好似我哋嘅婚姻！好刺激，中途會想放棄唔食，但係又因為好好味而繼續食落去！並不是賣廣告，純粹個人感受！十六周年紀念日！我們齊上齊落。」其實二人已經唔係第一次以視像方式慶祝節日，早前嘅情人節，二人就隔空鋸扒，老夫老妻mode，唔使見面拍拖都一樣冧！

兩情若是久長時，又豈在朝朝暮暮。杜汶澤同田蕊妮1999年在亞視相識相戀，到2005年步入婚姻，相愛咗超過廿年，感情係非一般深厚。同樣都係娛圈中人，自然會互相理解扶持，亦一齊經歷過唔少人生嘅高山低谷。兩人嘅關係中曾有第三者出現，不過田蕊妮最終選擇咗原諒，不計前嫌亦感動杜汶澤，令佢珍惜呢位太太。杜汶澤曾經講：「以前以爲成功就會得到女人，但得到一個好女人就等於成功。」田蕊妮同杜汶澤都各自為自己嘅理想同目標進發，二人一齊進步而且價值觀相近，疫情，又點會阻隔到佢哋嘅愛呢？

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】