逆天奇案｜馮盈盈同醉酒陳展鵬上床網民派嬲 被鬧狐狸精 記者會唔敢撓手

《逆天奇案》今周播映結局篇，最近一集劇情講到主角森Sir（陳展鵬飾）背未婚妻Wing（林夏薇飾）與Ana（馮盈盈飾）發生關係，令網民紛紛派嬲！

劇情中森Sir破了大案後與同事齊齊慶祝，亦因就同Wing結婚，開心得飲到酩酊大醉；森Sir之後返到屋企見到有人瞓係床上面，就以為係未婚妻Wing，除晒衫褲走上床。點知原來瞓係床嘅係同樣飲醉酒嘅Ana！兩人酒後糊塗，第二朝森Sir起身時踩到地下一隻耳環，才驚覺自己做錯事。Ana傷心飛到泰國，意外發現「殺虎案」新線索。

（↓點擊放大睇圖片↓）

呢幕出街後不少網民紛紛派嬲，除了指不明為何要加床戲外，還遷怒於馮盈盈，因為當時Ana其實係處於清醒狀態；明知背後係森Sir，但又無反抗。有網民更不明白她為何成日當陳展鵬屋企係自己屋企，「上去又煮飯、飲酒、瞓人張床，搞埋人哋個男人。」、「去人哋屋企飲酒，瞓係男人張床……仲話唔知點解同人搞嘢，送上門！仲話唔想咁控制唔到情緒……佢所做的嘢超出晒朋友範圍，執屋煮飯洗衫……最慘係佢覺得自己好委屈好可憐，成全人哋結婚……」

不少人直指《逆天奇案》感情戲部分「好膠」，又指林夏薇的角色設定過於「大方」，「原配有問題啲，明知有個女仔暗戀自己條佬，仲咁大方？」未知呢幕特意加插嘅床戲會否令森Sir與Wing嘅關係出現裂痕？兩人又會否順利結婚？

（↓點擊放大睇圖片↓）

今日（8日）劇中演員再次出動為劇集做最後一次宣傳。劇中有著撲朔迷離關係的陳展鵬、林夏薇及馮盈盈亦在場。馮盈盈也有回應她在《逆天奇案》一角被鬧一事，「大家睇到咁肉緊要多謝監製、編審，寫到劇本咁好。觀眾好投入同好相信我哋感情好真，係好事！」眾人起哄叫她即埸撓下主持丁子朗隻手，馮盈盈即刻話：「唔好啦，佢喺劇中係好朋友嘅男朋友，真人嚟講唔會搞，劇中個Ana先會！」

{{hket:inline-image name="fyy2.png"}}{{/hket:inline-image}}

陳展鵬亦表示呢場三角戀同幕後傾咗好耐，他說：「傾咗咁耐係有得著嘅，而家見到網上嘅觀眾都睇到好肉緊。」之後三人同場合照，記者叫兩位女士撓陳展鵬手影相，馮盈盈唔敢撓，男方就挪揄她，「怕咗佢，收視咁高都驚！」

{{hket:inline-image name="1.jpeg"}}{{/hket:inline-image}}

逆天奇案｜馮盈盈演技被批浮誇英文口音造作 加入「地道」對白大馬觀眾聽唔明 【下一頁】

同場加映：《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟呀嘛」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】