【聲明】港生活網站並無進行電話推廣活動

帶備容器打包道具鮑魚 馮盈盈自辯:我有衣食

發佈時間: 2021/06/09

馮盈盈昨日出席劇集活動,向來是非多多的盈盈,雖然住在月租四萬的海景豪宅,又大曬20萬元手袋,但她相當慳家,更被爆拍攝節目時,帶定膠盒叫助手打包拍攝用的鮑魚回家。對於被指又食又拎,盈盈直認自備膠盒打包:「應該係講拍《天天開運王》嗰陣,因為每次都煮好多菜式,如果倒咗就好浪費。做人要有衣食,當時我未食素,有拎雞、鵝、鮑魚,工作人員都有拎。」

問盈盈日後拍節目,會否避忌而不敢打包食物?她說:「我覺得我無做錯,出發點係為咗環保,我唔會因為人哋講而唔拎,最多以後拎菜、蛋糕、生果、水,唔拎鮑魚,留番畀大家!」另外,盈盈在《逆天奇案》因介入陳展鵬與林夏薇的感情,被網民封「國民妖精」,她笑說:「開頭以為係褒義,因為一般妖精都係可愛活潑,但原來係講個角色。」

帶備容器打包道具鮑魚 馮盈盈自辯:我有衣食

馮盈盈將於明天27歲生日。(資料圖片)