《造美人》︳19歲Tracy脫「大粒癦」想變靚 葉翠翠指強尼平平無奇惹網民狂轟

ViuTV真人騷《造美人》另類選美比賽，第一集在16強中挑選12名入圍者，已有5人成功晉身第二圈。昨晚播出第二集有9位參賽者出場，但明顯評判團比上集手緊，有6位包括賽前大熱的人選紛紛落入「候補區」！

第一位遭踢入「候補區」是7號Ann，強尼指她似柏安妮，但Ann不停批評自己，「我嘴又歪、鼻又歪、面又歪，影相（效果）好似打風咁……好樣衰……我……我真係……真係好唔鍾意自己個樣。」她最希望自己變成「日本妹」，惟專業團隊一針見血指「若只想當別人，就算科技點發達都幫唔到你」；強尼亦表示「靚係自己覺得，當咁多人話你靚，你都覺得唔靚，好難幫到你。」Ann一言不發，於「候補區」與5號Georgia相擁而哭。

{{hket:inline-image name="05.jpg"}}{{/hket:inline-image}}

網民口賤指7號Ann貌似動力火車成員顏志琳。（電視截圖）

{{hket:inline-image name="08.jpg"}}{{/hket:inline-image}}

有女神光芒的10號Semi都未能晉身12強。（電視截圖）

《造美人》︳女版K Lau Miko得網民歡心成大熱 地盤女工OK對答惹笑 強尼都投降 【下一頁】

同樣被視為大熱的10號短髮Semi，有腰有長腿，笑容滿臉，就連其他參賽者都讚她有自信，散發女神光芒。Semi報稱是歌手，在面試時清唱一首《Fly Me To The Moon》展才華。得到一致好評的她，亦暫時未能晉身第二圈，強尼直言：「第一眼見到你，吸引，但耐咗又冇咁吸引，問題喺邊呢？你都係畀啲時間我哋諗下先。」

同樣落入「候補區」的還有曾參加亞姐的12號Dorothy，節目上的「毒舌團」沒有放過奚落對方的機會，首先勁讚她「五官完美」不過「加埋一齊又爭啲嘢……背脊又多斑」強尼補充：「以平常女仔嚟講你算幾好……你雖然參加過選美，又準備入行，我反而覺得你未ready！」Dorothy未能入圍，失望落淚，自責「唔識表達自己」，另外14號Vivian及15號Stella都跌入「候補區」。

年紀最細只有19歲的11號Tracy，本身是香港拉丁舞代表隊成員，「我身形唔高，男仔嫌肥，好少揀我做舞伴。」她左邊臉有一粒癦，小學時家人帶她去脫癦，怎料事敗，「自小俾人取笑『大粒癦』！」提到整容受到外間冷嘲熱諷，Tracy自信滿滿表示︰「唔會後悔，人生得一次，乜嘢都要經歷下。」9號Menah自小受到同學欺凌，「佢哋笑我個樣，我好難受……」諷刺的是當上演員時，都經常要演被欺凌的角色。Menah「打感動」未獲評判團睇中，又成為「候補區」一員。

16號Jonie賽前被網民封為「翻版鄭佩佩」，樣子是未老先衰似44歲「auntie」，Jonie在台上自我介紹時認被朋友嘲笑，「生理年齡似42歲，心理似12歲。我認我懶做運動，又夜瞓。希望參加呢次大改造，可以幫我似番真實年紀24歲！」由於有極大改造空間，她「夠資格」晉身次圈，成為12強之一。

評判亦揀中13號Ice進入12強，Ice沒有開心，「我唔識欣賞自己，覺得自己冇樣嘢好，平平無奇……」身為評判的葉翠翠用強尼做例子，「你話你平平無奇？睇吓我旁邊嘅強尼，網民封佢為『最強強尼』！」強尼尷尬，「我嘅美麗從來被低估同忽視……」葉翠翠的言論觸動了網民的神經，開動「狂插模式」在網上「洗版」，「最平平無奇係話人平平無奇嗰位平平無奇嘅港姐冠軍」、「做吓功課，睇吓強尼以前係做乜嘢職業先啦！人哋專業人士！你就真係平平無奇喇」。

撰文：衛紫敏

同場加映︰朱健鈞回港客串《逆天奇案》 「阿仔睇完信Daddy原來拍戲嘅」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《東張西望》︳慈雲山鐘錶黑店高價8倍劏客 伯伯交金勞抹油一去冇回頭 【下一頁】