逆天奇案｜馮盈盈向陳展鵬獻身再爆喊剖白 網民有讚有彈 狂轟綠茶婊演技浮誇

《逆天奇案》今周播映結局篇，早前劇情講到主角森Sir（陳展鵬飾）背未婚妻Wing（林夏薇飾）與Ana（馮盈盈飾）發生關係，令網民紛紛派嬲！而昨日一集Ana一邊喊，一邊對森Sir剖白自己暗戀對方多時，心情忐忑，又指自己想要「家」的感覺，所以先會上他屋企幫手掃地、煮飯：更把耳環（出軌證據）掉落水，向森Sir承諾保守秘密，不會讓Wing知道。

{{hket:inline-image name="fy2.png"}}{{/hket:inline-image}}

不過呢場戲網民似乎都唔係好收貨，直指馮盈盈演技浮誇，喊功又差，同時指呢場剖白戲好多餘，「好失望，係唔係一定要加嗰一場戲？」、「套劇最失敗就係馮盈盈，成日當自己屋企，上去又煮飯仲飲埋酒、瞓人張床。無論做節目或做戲都好做作」、「最敗筆就係有FYY」、「見到呢個馮盈盈我真係想作嘔，又作狀個口又大，真係想熄機，點解咁多套劇集都有佢份」、「馮盈盈的角色！好似一粒老鼠屎跌落煲粥！」當然有人讚她演第三者「做得好先有人鬧」，「我個人覺得盈盈演得唔錯！」、「反派演到被罵，證明她演得好，符合人物設定。」

馮盈盈昨日出席劇集宣傳活動，爆出她在拍攝節目時，拎定膠盒叫助手「打包」拍攝用的鮑魚帶回家，相當慳家定又食又拎？她直認自備膠盒「打包」：「應該係講拍《天天開運王》嗰陣，因為每次都煮好多菜式，如果倒咗就好浪費。做人要有衣食，當時我未食素，有拎雞、鵝、鮑魚，工作人員都有拎。」日後會否避忌而不敢「打包」食物？她直言：「我覺得自己無做錯，出發點為咗環保，唔會因為人哋講而唔拎，最多以後拎菜、蛋糕、生果、水，唔拎鮑魚，留番畀大家！」

另外，馮盈盈在《逆天奇案》因介入陳展鵬與林夏薇的感情，被網民封「國民妖精」，她笑說：「我所知一般妖精都係可愛活潑，開頭以為係褒義……但原來係講個角色（貶義）。」

{{hket:inline-image name="1_600.jpeg"}}{{/hket:inline-image}}

逆天奇案｜馮盈盈同醉酒陳展鵬上床網民派嬲 被鬧狐狸精 記者會唔敢撓手 【下一頁】

同場加映：朱健鈞回港客串《逆天奇案》 「個仔睇完信Daddy原來拍戲嘅」

{{hket:ul-video id="3137"}}{{/hket:ul-video}}