雷有輝爆Ricky出蠱惑│Gary Tong離世遺憾未能一齊到老 太極五子自製「90後」伯伯Look

太極樂隊是香港殿堂級樂隊，由雷有輝（Patrick）、雷有曜（Albert），鄧建明（Joey）、劉賢德（Hi-Fi德）、盛旦華、朱翰博（Ricky）及唐奕聰（Gary）7位成員組成。樂隊自1984年10月15日成立至今，邁向第37個年頭，可謂陪伴不少樂迷成長。但可惜的是，當中57歲的琴鍵手唐奕聰，今年3月因心臟病發猝逝，令隊友們難以接受。

{{hket:inline-image name="06092012.jpg"}}{{/hket:inline-image}}

{{hket:inline-image name="06092001.jpg"}}{{/hket:inline-image}}

Gary Tong安息禮拜│太極成員扶靈獻唱送別隊友 遺孀：相信佢回想人生應該會自豪【下一頁】

太極今年8月將於紅館舉行兩場「太極RAINBOW AFTER RAIN演唱會」，一眾成員（除雷有曜之外）近日齊集開會，商討最新一輯的廣告動畫。動畫中見到各人容貌在4秒後慢慢變老「36年」，成為真正的「90後」（即90歲後）；而片中亦預留電子琴位置，向唐奕聰作出致敬。太極五子似乎想夾Band夾到老，只可惜唐奕聰走得太突然，否則這個願望並不太難實現；如今惟有靠電腦效果幫手，提早見一見兄弟們的年紀老邁樣子，以慰藉心靈上一點空虛。

主音雷有輝就大爆隊友Ricky暗中「出蠱惑」，叫設計師出術，令自己變得年輕，「我哋每一個變晒90歲嘅樣，剩係佢一個人揀張咁後生嘅相，睇落同而家都冇咩分別咁。可能佢知自己擺唔耐，未必有90歲命啩？其實變老好容易，我哋做少幾次Mask、唔化妝都可能有呢啲效果。」

Gary Tong病逝│太極HI-FI德忍痛如期接受訪問 哽咽憶老友「回憶湧出嚟瞓唔到」【下一頁】

Joey笑言被自己「90後」的樣子嚇親，感覺有點「趕客」成分，「初初諗邊個咁大整蠱？不過而家睇落仲靚仔咗好多。」他提到今次演唱會得到不少人的支持，「今次個騷有好多Gary生前嘅好朋友話想幫手，所以好多人嚟支持。呢一刻我哋仲未綵排，唔習慣冇咗佢，每一個細節都預佢一份。」

（↓點擊放大睇圖片↓）

Hi-Fi德就呼籲粉絲們要積極撲飛，皆因未知下次會幾時再開個唱，「而家世界日日改變，呢個騷因為病毒延期咗幾次。下次再聚唔知幾時，可能要到30年後先有機會，到時我哋仲未死又行得郁，再唱畀大家聽。」

撰文：梁榮達

同場加映：朱健鈞回港客串《逆天奇案》 「個仔睇完信Daddy原來拍戲嘅」

{{hket:ul-video id="3137"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】