傳大S堅決離婚全因一對子女 網民翻「公主病」舊賬汪小菲勁鵪鶉

台灣女星徐熙媛（大S）同老公汪小菲鬧婚變事件一發不可收拾，雖然汪小菲公開認錯，但似乎就「熱面貼着冷屁股」，老婆完全不為所動。有指觸發大S嗌離婚嘅原因，全因為緊張一對仔女。

因為汪小菲經常喺社交平台公開發表過火言論，大S擔心仔女成為朋友間嘅話題人物，被講閒話同排擠，影響成長及在校生活。有傳兩人為此長期冷戰，有次汪小菲視訊在台嘅老婆與家人，但大S自己就唔理汪小菲，直接畀佢同一對仔女對話。因此，今次汪小菲再踩到大S「不要影響到小孩」嘅底線，大S就忍無可忍堅決要離婚！

{{hket:inline-image name="w644.jpg"}}{{/hket:inline-image}}

連日來汪小菲都不停發功希望箍煲，今日一早轉移視線為高考生打氣：「不要再佔著公共資源了……高考還有兩天，希望大家都考出好成績。我們也努力工作多開店！」有傳汪小菲會到台灣安撫大S，挽救婚姻。

俗語有云「寧教人打仔，莫教人分妻」，不過唔少網民竟然贊成佢哋乾脆分開？網民翻大S舊賬，指佢上節目時嘅表現，有嚴重「公主病」，私底下應該更加不得了，叫汪小菲早撇早着！大S同汪小菲2018年參加內地真人騷《幸福三重奏》，被網民抽出大S最少五宗罪。

第一宗罪：監獄風雲

汪小菲明明肚餓，但因唔想麻煩老婆煮飯，稱自己唔餓，但就默默偷食火腿，結果被大S捉到，睇得出兩公婆嚴重缺乏溝通。另外，汪小菲只係去廁所，竟然被要求「報到」！大S埋怨老公：「為甚麼一聲不響丟下我？我怕怕！」並不斷在節目質問老公：「你是不是覺得我不賢慧」？

第二宗罪：話喊就喊

節目中大S提議踩單車，不過因為自己唔識踩所以坐後座；期間俾汪小菲「戥」到幾次，佢就話要落車，仲突然喊起上嚟，汪小菲頓時呆咗。原來大S喊嘅原因係「我叫你停車，你不停車」，真係睇到眼凸。

第三宗罪：茶煲

以下係佢哋嘅部分對話：

汪小菲：「老婆，外面陽光很好，要不要出來透透氣？」

大S：「不要，太陽曬得眼睛都要瞎了。」

汪小菲：老婆，要不咱還是吃點（午飯）？

大S：我白天都不會餓的啊。

他打開冰箱問，「你要喝橙汁嗎？」

大S：「我不能喝冰的。」

第四宗罪：唔剝蝦就唔食

大S曾在節目中發表「剝蝦論」，表示剝蝦麻煩，從小都係由爸爸幫佢剝蝦殼，仲斬釘截鐵地表示：「吃蝦一定要男人幫你剝！」如果汪小菲冇幫佢剝蝦佢就唔會食。

第五宗罪：貪靚大過天

為咗防止抬頭紋產生，大S從來唔會低頭洗髮；佢又因想喺產後盡快恢復身材，每日只飲小半盒脫脂酸奶、兩三片瘦肉，再加上做大量運動。為保「仙女」形象，大S唔會喺任何人面前放屁，仲傳授過小S「放屁不出聲」秘笈。

汪小菲面對大S種種無理任性，喺鏡頭前依然毫無動怒，非常鵪鶉；佢解釋當時大S流產冇耐，狀態唔好：「做女人不易，做媽媽更不易……做一個北京直男的老婆更不易。」

同場加映：港姐首輪面試：關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】