太極谷個唱變「90後」 鄧建明自嘲樣貌趕客

樂隊太極將於八月假紅館舉行兩場「太極RAINBOW AFTER RAIN演唱會」，太極五子為個唱造勢，於動畫廣告中以四秒極速變老，成為真正的「90後」（90歲）。主音雷有輝大爆隊友朱翰博（Ricky）「出蠱惑」︰「我哋每一個都變晒90歲嘅樣，淨係佢一個人揀張咁後生嘅相，睇落同依家都無乜分別，可能佢都知自己擺唔耐，未必有90歲命啩？」

鄧建明（Joey Tang）笑言被自己年老的樣子嚇親，有「趕客」成分︰「初初諗邊個咁大整蠱呀？但不停睇自己由後生變老，再由老變番後生，比較之下覺得依家靚仔咗好多！」Joey又坦言不習慣缺少已故鍵琴手唐奕聰（Gary），所以個唱每個細節都有預他一份，以作悼念。