飛日本採訪奧運？ 周奕瑋未獲確實通知

東京奧運將於下月揭幕，無綫早前特別舉行誓師大會，高層曾志偉透露將分批派出「東奧大隊」到當地直擊。前晚無綫推出宣傳片，公開赴日採訪的四位藝人主持名單，包括方力申、吳業坤、周奕瑋及陳約臨。不過周奕瑋接受《晴報》電話訪問表示，現階段仍未落實有關消息，「其實個廣告只係之前記招拍嘅宣傳片，仲未知係我定其他同事出發。我暫時未收到確實通知，亦未有出發時間表，但我嗰段時間嘅工作期表都暫時空咗出嚟，做定準備先。」事實上，除方力申外，其餘三位都沒有主持奧運經驗，表現讓人拭目以待。香港方面，無綫將安排鍾志光領軍做主持，問到會否暫別《愛‧回家之開心速遞》，他說︰「劇組已經知道我喺呢段期間拍唔到，至於點交代我都唔知。」