有腳雀仔丨洪永城宣布娶拍拖兩年半女友 梁諾妍爆Tony廁所求婚:我笑到喊

洪永城（Tony）與梁諾妍（Inez）有情人終成眷屬，今日兩人正式公告「我哋要結婚啦！」嘅喜訊。呢對準新人由求婚到影結婚相嘅過程，都係非常溫馨同埋勁多笑料，Inez回想未婚夫嘅求婚過程就笑到喊；而結婚照好配合二人性格，簡約之中不失搞笑本色！

早前，Tony和Inez秘密地影了一輯極有創意又搞笑的結婚照，由於佢哋都係熱愛運動之人，所以結婚照也甚具動感，衣著以簡約便服為主。其中一輯是二人身穿背心T恤、 短褲加波鞋在運動場上飛躍而起，最搞笑是洪永城以白T恤襯煲呔；而另一輯則是在湖邊嘅溫馨鬼馬相，兩人一身行山Look，雙手緊握在一起，寓意佢哋手拖手，今後一起笑住過！

{{hket:inline-image name="Whats.jpeg"}}{{/hket:inline-image}}

今日佢哋分別喺社交平台上宣佈喜訊，並分享結婚感受，洪永城留言:「由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居；到我們至愛Coco離世、到開工連晚安早晨都沒有機會同你講、到今日一齊攜手踏上我倆的新旅程。好在有你，緊握我手。我希望一世都有你在身旁。追到你是我的僥倖，娶到你是我的福氣。Let’s get Married！」

梁諾妍留言：「下半生手拖手，繼續一起跑下去，繼續跑去世界每個角落。感恩遇到你，常常帶給我歡樂，照顧我陪我通宵睇動漫睇網球比賽，工作上的互相扶持，願餘生我們也要一起笑住過！#我們結婚啦！」

洪永城早已同女友同居，半年前曾表示唔排除「先有後婚」，表示：「女友好鍾意小動物同埋小朋友。（有咗就負責任？）會處理嘅。（已諗緊結婚？）係會朝着呢個方向嘅。」

Inez透露Tony的求婚過程，既搞笑又感人：「佢嘅求婚過程好好笑，好多蝦碌嘢發生。佢喺屋企個廁所度求婚！不過好係佢嘅style，成個過程我笑到喊，不過都好感動。有晚佢拍完嘢返屋企，就入咗廁所一陣出嚟，跟住到我人有三急入廁所，佢又跟住我入去；當我打開廁所門，原來佢喺入面布置咗一個攝錄機，又喺洗手盆度放咗啲微型燈泡，又有一束鮮花；鏡上貼咗啲心型卡，仲寫上MARRY ME？我好笑又感動，問佢點解要喺度求婚，佢話知道我一定會去廁所。最好笑係佢拎隻戒指出嚟求婚時，我話我真係好急，你等一等我去完廁所先，結果佢要等我辦完大事再求婚，我就Say Yes！」兩個當時都開心到笑唔停！

同場加映：港姐首輪面試： 關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】