嘆新人機會不多 鄭中基零片酬支持新導演

鄭中基（Ronald）前晚出席電影《遺愛》的首映禮，Ronald坦言今次拍攝不收分文，他又直言坐得高的人不肯讓位，令新人的機會更少，因此他希望多幫助新人，期待能刷出更多新火花。

鄭中基前晚聯同陳漢娜、胡子彤等新演員，到圓方出席電影《遺愛》的慈善首映禮。Ronald於席上承認今次不收片酬拍攝，因為他首次與導演馮智恆交談時已覺得對方很「有火」，認為應多支持新導演及新演員。談到他早前接拍吳君如監製的賀歲片《闔家辣》同樣是零片酬，但卻遭對方踢爆收到其經理人田啟文的電話「追數」，Ronald笑言︰「亂講！無咁嘅事……我覺得依家好多人企喺高位死唔肯走，應該要畀機會新人，唔試又點知唔得！」他又說今次與新人合作感覺不錯，拍攝時有很多突如其來的火花。

電影由真人真事改編，而Ronald今次所飾演的角色非常沉重，他表示每次放工返屋企都會盡快瞓覺，「因為我老婆嘅格言係︰『快啲瞓就無問題』！」而對於電影有份參與四大影展，Ronald十分高興，恭喜導演的作品得到大家認同。

胡子彤見陳漢娜掌摑偶像興奮

另外，胡子彤和陳漢娜在戲中有感情綫，但胡子彤表示不能透露太多劇情，陳漢娜就大爆在戲中要掌摑Ronald，她說︰「拍嘅時候其實我都唔係咁驚，但係我就同自己講要打得狠啲，盡量減少NG，呢場戲最終兩take完成。」胡子彤笑言拍攝這場戲當日自己亦在場，見到陳漢娜掌摑自己偶像，心情既興奮又痛心。

胡子彤表示是次角色有很大挑戰，有很多內心戲，有時候收工回家，家人也看得出自己的情緒起伏甚大，不過他認為難度愈高的角色就愈想做好，也可幸自己仍可抽離角色，他說︰「拍攝呢場戲之前我都有搵凌文龍做功課，佢同我講呢啲係『騷後後遺症』，即係代表自己認真演出。」

攝影︰林良明

美術︰梁政敏

採訪︰Pauline