【聲明】港生活網站並無進行電話推廣活動

中電義工視像同長者賀端午 隔住屏幕送暖

發佈時間: 2021/06/11

下星期一就係端午節,疫下黛安打算同家人喺屋企食糭過節。公關姊妹話,今年中電義工們因為疫情關係,不宜親身到安老院舍探訪,於是以視像方式同嗇色園及救世軍轄下8間安老同日間長者護理中心嘅近1,000名長者慶祝端午節,等老友記都可以感受節日氣氛。

公關姊妹話,除咗做運動、玩遊戲、體驗大笑瑜伽外,中電義工仲大唱經典名曲,又同老友記分享慳電貼士,又送上應節福袋,有份參加嘅鄧綺嫦婆婆都笑住話,隔住屏幕都可以感受到義工嘅熱情同關懷。

中電總裁蔣東強仲話,今年未過端午節已錄得自1885年最熱嘅5月天,所以希望透過視像探訪,同長者打下氣,教佢哋低碳生活貼士,減低極端天氣帶來嘅影響。

中電義工視像同長者賀端午 隔住屏幕送暖

老友記好開心可以收到應節福袋。

撰文: 黛安 消息特靈八卦公關
欄名: 八卦名利場