鬼上你架車｜張繼聰自爆內地遇前世女兒鬼魂 「可能係緣分 佢想畀我見到佢」

無綫J2台《鬼上你架車》今個星期四晚（10日）播出的一集，主持方力申（小方）和唐劍康（當奴）請來張繼聰擔任嘉賓，大談個人的靈異經歷。阿聰自爆一次在內地拍戲期間，在房間瞓覺時被女鬼壓後，追查對方的身分時竟發現是自己前世的女兒，令他有種他鄉遇故知的感覺。

{{hket:inline-image name="06112006.jpg"}}{{/hket:inline-image}}

{{hket:inline-image name="06112009.jpg"}}{{/hket:inline-image}}

健康旦訪問｜張繼聰對住個女難敵喊功冇晒符 曾患情緒病 感激謝安琪照顧家庭【下一頁】

阿聰說：「有一次返內地拍嘢，自己一間房，記得有一晚諗住睇陣書就瞓，望一望個鐘係一點三……瞓瞓吓覺，突然間全身毛管彈起晒，跟住郁唔到，我知道俾鬼壓。我聽到好多聲，有腳步聲、小朋友嘅聲，感覺到有人喺我背後行，之後企喺我後面。我有個意識想大力轉身去望，望吓佢係邊個。跟住一轉身，我個人郁到，望到係一個女人，但嗰個女仔唔係（著）呢個年代嘅衫，係似民初時候嘅衫。望住佢時佢同我講咗一句嘢，係鄉下話嚟，但我明佢講咩嘢，佢叫我冚番好張被唔好凍親。」

阿聰表示身體可以正常郁動後，很想知道對方是誰，因為他認為所有事情並不是偶然發生，可能是緣分或對方需要幫手，「成日有人問我係咪有陰陽眼，會唔會見到啲咩。有時可能係你攰，有時係特登相遇，每一個人有唔同原因，總之『你較得到個台，就會接觸得到』。後尾用SRT（美國一種靈性療養方法）去測，原來佢係我其中一個前世嘅女，我係佢老竇；我好想知佢點解喺度，原來佢被呢個地方嘅能量困住，我就嘗試幫佢清除，送佢去投胎。呢個係我一個幾有趣（經歷），他鄉遇故知！」

張繼聰「作死」送電單車當生日禮物 44歲謝安琪施逆生長魔法似廿頭【下一頁】

既然是前世父女，小方和當奴就追問阿聰對方與自己似不似樣？阿聰答：「又唔似，但都有親切感。（望到當刻唔會驚？）第一下係驚嘅，但可能係緣分，佢都想畀我見到佢。（最後成功幫到佢？）應該係幫咗，之後再瞓一個月都冇（見到）。（繼續住冇陰影？）冇，房都冇轉（第二間）。」

（↓點擊放大睇圖片↓）

阿聰又提到曾試過農曆七月十四去荒山野嶺開工，劇組搭建亂葬崗場景拍槍戰戲，「有啲人係會咁，行出嚟啲能量好好，或者煞氣好重，因為我試過去荒山野嶺拍戲，真係有啲『朋友仔』跟咗我返屋企，你真係感覺到自己唔係好舒服咁。以前會咁，近年就少啲……但（同場）嗰位演員真係好威猛，就係古仔（古天樂）。我話今晚成晚要『借位』，佢話做咩？我當然唔敢講，話總之成晚會黐住你！」

撰文：梁榮達

同場加映：曾被童顏拖累│譚偉權熱愛戲劇苦無成績愧對家人太太 「爭取名利係想同自己有個交代」

{{hket:ul-video id="3166"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】