前亞視新聞主播│繆美詩受不了樓市興衰循環離職 「佩服黑暗時代堅持做新聞嘅人」

前亞視新聞主播繆美詩近日接受新城電台節目《主播會客室》訪問，跟舊同事洪綺敏傾談昔日在亞視合作的點滴。戴住口罩的繆美詩，招牌短髮造型依舊；她在節目中報天氣，「新聞腔」重臨，令不少聽眾大感懷念。有網友說看她報新聞長大，繆美詩完全不介意，表示已經習慣別人這樣說了。而事實上她已是兩孩之母，分別10歲和8歲。

前新聞主播轉職保險│郭詠琴被封5大身價女主播 自爆曾素顏被急召直播報新聞【下一頁】

{{hket:inline-image name="miu1.jpg"}}{{/hket:inline-image}}

{{hket:inline-image name="b07b5215d6b806f52364d097fbdbcf5dd5c34dcbc39e7b12762f36a9768cb16b.jpg"}}{{/hket:inline-image}}

繆美詩表示在亞視新聞工作8年時間，主力是報道房屋政策的話題，非常熱血有拚勁，連洪綺敏都甘拜下風。問到為何會選擇離開？繆美詩說：「我唔想潑冷水，但真係做到好腌悶，我接手時係97年，樓價仲係好Peak（高峰），98年突然低處未見低，跟住有董生（董建華）政策，好多人借咗政府貸款變咗樓蟹、負資產，後來停晒所有居屋，搞到嚴重短缺，所有嘢都係土地問題......生命係一個循環、政策係一個循環、人嘅歷史都係一個循環，但最悲哀係人類彷彿沒有從歷史中學習。」談到政策分析，有時候訪問同一個專家，跟四年前講的說話有所不同，令她反思這樣報道下去，會否誤人子弟。

繆美詩稱最後決心放棄，「我做咗八年嘅工作，循環不停發生，可能係我膚淺，我負責嘅係民生議題，加上我有其他機遇，所以離開。我好佩服一直緊持落去嘅人，特別係咁艱難環境、黑暗時代仍肯做新聞的人，其實係有強大嘅信念，否則諗唔到理由留低。」

獨家│姚子羚主播胞妹饒慧珊爬頭出嫁 好姊妹鄭瑩Po靚相送上祝福【下一頁】

繆美詩令人留下深刻印象的其中一次，是她做主播時被一名癡情中佬纏擾，除了不停送花，更日以繼夜「跟出跟入」，甚至在她寓所樓下高呼其名字，飽受滋擾；情癡向她傳送多達655則示愛短訊，警方採取行動拘控情癡。

繆美詩婚後育有兩女，不時在專欄中分享自己的育兒心得，表示自己是極度放養的媽媽；學習跳拉丁舞都是女兒主動要求，認為當她們渴求去學習時，才會學識珍惜。「雖然我係急驚風嘅人，不過喺小朋友面前，我係從未見過自己咁溫柔。」她認為教育小朋友要讓他們不斷嘗試，大家之間的連繫是最重要；同時希望整理好一套教育方法，將來有機會跟家長分享。

同場加映：港姐首輪面試： 關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉