MIRROR 4月鬧粉絲事件曝光｜姜濤想Fans識得分場合：將心比心 Anson Lo被指係放料人喊冤

ViuTV節目《調教你MIRROR》今年4月於梅窩拍攝時，曾發生鬧Fans事件，事緣MIRROR的Fans知道偶像拍攝地點後，引來一眾「私追」粉絲，結果影響拍攝進度，有指當時姜濤曾斥責Fans；亦有身處現場的網民，聲稱聽到有人部署如何反戲弄「私追」粉絲，經理人黃慧君（花姐）事後急急在網上發文為事件解畫，平息一切誤會。

{{hket:inline-image name="06121009.jpg"}}{{/hket:inline-image}}

{{hket:inline-image name="06121002.jpg"}}{{/hket:inline-image}}

調教你MIRROR｜梁祖堯指12子鏡頭前對話好假 花姐爆同「契仔」Ian有距離：成日嘈交【下一頁】

《調教你MIRROR》昨晚（11號）播出的一集，鏡頭中見到十幾名「私追」Fans在梅窩四周出現，當MIRROR從營地步出，她們即如影隨形跟實，全部人入晒鏡！導師梁祖堯（阿祖）無奈表示：「我哋不停被粉絲包圍，想喺街頭正常拍攝？你諗都唔好諗！即使只係想拍佢哋邊行邊傾偈，根本做唔到，佢哋被人『貼實晒』，有咩私隱可以講呢？個節目只可以番去綜藝mode！」阿祖大呻可惜，原本構思街頭寫生及睇牛的活動，因此要作出改動。

大隊去到酒樓飲茶，眾人亦只好由露天茶座轉到室內。MIRROR講到Fans問題時，現場氣氛變得不太輕鬆。問到姜濤的意見時，他說：「期望大家真係識得分場合，好多時希望佢哋聽到我嘅心聲。大家真係支持我，真係care嘅，都care吓我同身邊人嘅感受；如果大家真係明白呢個道理，就自然唔會做呢件事。我哋又好難喺公開場合去講，私底下講又……（花姐唔畀你哋講？）我覺得我哋都要（出聲），有呢個責任。（唔鍾意咁樣？）有啲場合唔鍾意，有時（出埠）住我哋隔籬房嗰啲，真係太誇張！（邊一句真心話想同Fans講？）希望大家唔好再令我難做，唉！其實我已講過好多次，喺身邊影相時都有講過。希望你哋睇完呢個節目，睇到呢part嘅時候，將心比心，係我屋企人教我，乜嘢都要將心比心，你將心比心就唔會做嗰個行為。」

{{hket:inline-image name="06121003.jpg"}}{{/hket:inline-image}}

{{hket:inline-image name="06121005.jpg"}}{{/hket:inline-image}}

阿祖點名說Anson Lo唔舒服都答應跟粉絲合照，花姐為他心痛，認為應該要有自己的堅持和空間。Anson Lo說：「我覺得私追嘅人等咁耐係辛苦嘅，例如拍劇時日曬雨淋，等好耐只係為見我哋一面，係好辛苦。」Edan接著說：「但有時會好尷尬……」未講完即被Lockman爆Seed搶答：「我覺得唔尷尬！而家你真係影響到我嘅，咪講對唔住，我真係要做戲，不如晏啲先傾。點解我唔可以講？點解唔可以我哋講？我哋去講（Fans）先聽﹗」

《調教你MIRROR》預告│Mirror成員拋低形象相擁爆喊 姜濤：出道到而家有好多誤會【下一頁】

Anson Lo補充：「我覺得自己有啲責任嘅，同埋造成不便，除咗自己覺得唔舒服，係令身邊人都唔舒服。呢兩年出道以嚟自己最大感覺，係演變到我唔驚私追，亦唔驚佢哋見到我要影相、簽名，自己係驚身邊人點諗！驚你哋覺得（Fans）係我Call嚟嘅，因爲呢兩年圍內不斷有好多……好多（放料事件？）……好多聲音矛頭指向我！」姜濤和應，「彼此之間懷疑一定有，大家啱啱出道要磨合，有呢啲事情發生，彼此一定懷疑過對方！」Anson Lo大呻︰「圍內人覺得係我放料，我真係冇做過！」

（↓點擊放大睇圖片↓）

就粉絲「私追」事件、MIRROR鬧Fans事件、爆料事件等等，阿祖作出分析，「聽大家回應，Lockman想好好認真處理，然之後感覺到Edan佢哋有少少防禦嘅狀態，中間有啲崩緊，空氣有少少凝固住，然後有少少緊張。可能外人唔係咁覺，佢哋亦唔係專登令對方難堪……我就知道MIRROR之間係有啲嘢（誤會、不和），係由呢樣嘢（粉絲「私追」事件、爆料事件等）引發、開始。」這一集的結尾，見到MIRROR全隊人手握手，一字排開向前方的粉絲鞠躬作結尾，MIRROR鬧Fans事件似要畫上句號。

撰文：梁榮達

同場加映：《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟呀嘛」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】