星格Boss│向海嵐轉戰商界中環開店賣珠寶 無懼疫市搞保健產品擴張生意版圖

1998年港姐四料冠軍向海嵐（Anne），於2008年毅然放棄幕前工作，走到上海轉行打寫字樓工做OL。2018年一個巧合機緣之下，Anne回流香港並跟如今珠寶店拍檔合作搞生意，成為新一代商界女強人，最近更無懼「疫」市，斥資投資代言的保健產品，實行擴張她個人的生意版圖。

{{hket:inline-image name="9a22ffbf-8de9-40c9-99c2-d5bcb700dfb7.jpg"}}{{/hket:inline-image}}

{{hket:inline-image name="fa8cd21d-9d34-456a-8116-3b69da7f4437.jpg"}}{{/hket:inline-image}}

向海嵐四料冠軍做港姐導師夠格 凍齡冇得懶每日堅持做4件事【下一頁】

Anne透露位於中環的珠寶店生意，跟拍檔總共投資了7位數字，由2018年開業至今，經歷過不少艱辛。她說：「大約係2018年，最初拍檔想搵我做一次過、為期幾日嘅活動，但後尾計過條數，同我哋投資開舖的錢差唔多，又有另一啲朋友幫我哋分析，認為我哋開舖頭仲好喎，係一個比較長遠啲嘅嘢，活動只係做得幾日，但使費方面又差唔多，所以當時大家就決定開舖頭。亦喺緣分下遇到中環呢個舖位，咁因為係樓上位置關係，租金可以講係可以接受。」

至於會否認為女人錢易賺才搞珠寶生意？「真係一個緣分，我同拍檔想法及價值觀近似，加上覺得做呢行係開心事，因為所有嚟買珠寶嘅人，一定係為咗一啲喜慶日子，好似結婚、生日同埋買嘢送畀另一半，每一次大家嚟到都係開心嘅情況，大家見到珠寶時候又好開心，所以覺得呢門係做得好開心嘅生意，又帶到畀自己正能量。」

疫情下各行各業面對營運危機，市民購物意欲大減，零售業可謂首當其衝。Anne無奈表示：「由疫情開始，生意額跌咗好多，有去諗唔同嘅方法去搵生意，開始設計一啲簡單、日常可以配戴到嘅首飾，相對地價錢方面無咁高。因為我哋以前做開嘅係大件類型，啱去派對宴會或者收藏價值高嘅珠寶首飾。今年推出咗新款系列，係簡約設計，會啱OL或者日常日日配戴，唔一定要去宴會先可以戴到嘅款式，咁定價就無咁高，銷售壓力就無咁大。（有想過吸納持有政府電子消費券這類客人？）我哋試過2、3個月無開過單，公司都會有壓力，好彩同業主傾到減租，當係畀機會自己和拍檔唞一唞，從新去諗一諗公司嘅定位，然後又諗到一啲新設計，可以從正面啲去諗，當係畀機會大家去諗多一啲新方向，唔再好單一咁去做自己一直做緊嘅嘢。（公司產品有平有貴？）係，幾千都會有，一般就5、6位數字，當然去到收藏級或拍賣級就可以去到更高數字，有時會因應客人要求去搵唔同嘅寶石。」

向海嵐搞珠寶生意自己做生招牌 受疫情打擊勁銷情慘淡積極改革【下一頁】

有關公司及自己的未來方向，Anne心中已定下計劃，「暫時唔會開分店，因為想集中做好呢一間先，自己係偏向保守、穩陣派嘅人，始終做生意一分一毫都係好努力搵番嚟。至於我做緊代言人嘅保健產品方面，做之前試過有半年，覺得效果係幾好，咁啱佢哋有問我有冇興趣投資，咁我覺得呢個諗法幾好，首先自己試過幾好，另外就係好多人問我點樣保持健康，有咩凍齡保養秘訣，覺得呢個產品幫到手，如果投資落去可以幫到自己之餘，又可以幫到大家Keep Fit及保持健康，變成一門生意都唔錯，所以決定向呢方面進行。（覺得藝人做生意有著數？有否被人呃過？）可能有少少著數，因為自己可以做品牌代言人，好容易令大家記得代言嘅品牌，宣傳上慳番一筆；又無試過做生意被人呃，可能自己幾好彩，身邊拍檔都係熟悉行業嘅人，大家合作上好順利，係幾好運。」

（↓點擊放大睇圖片↓）

現年46歲的Anne轉戰商界前是無綫一線花旦，獲不少觀眾支持，是收視保證的藝人，很多人也想她復出拍劇。「自己都鍾意拍劇，但呢樣就隨緣，之前做訪問時記者朋友有講過，網民最想翻睇嘅係《無頭東宮》（2002年作品，同劇演員有陳妙瑛、張兆輝及魏駿傑等），都好開心有套過咗20年左右嘅劇，大家仲係咁鍾意，所以好希望遇到好劇本、好拍檔，咁就可以拍到好嘅劇集畀大家睇。」

撰文：梁榮達

同場加映：港姐首輪面試： 關禮傑26歲囡囡關楓馨參選 113名候選女士質素參差

{{hket:ul-video id="3174"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】