AK@MIRROR相陪13年老貓離世 黑白照緊握愛貓雙手不捨說再見

MIRROR成員Anson Kong（AK、江熚生）是出名的貓奴，最高峰時屋企的貓主子數目多達5隻，當中幾隻貓喵的年紀已不輕。日前（6月11日）AK在限時動態貼出一張他緊握著愛貓豬仔雙手的黑白照，並寫著：「再見豬仔，謝謝13年的陪伴，先去搵叮叮同波子哥哥團聚，我哋遲啲彩虹橋再見。」原來豬仔已經離世。

{{hket:inline-image name="17.jpg"}}{{/hket:inline-image}}

Anson Kong的13歲愛貓豬仔近日離世，他非常不捨。(圖：AK IG)

{{hket:inline-image name="02.jpg"}}{{/hket:inline-image}}

Anson Kong最愛抱著豬仔入睡。(圖：AK IG)

MIRROR 4月鬧粉絲事件曝光｜姜濤想Fans識得分場合：將心比心 Anson Lo被指係放料人喊冤 【下一頁】

AK發長文悼念愛貓豬仔，指豬仔曾於兩年前經歷大病，因腦下方有陰影，醫生懷疑豬仔患腦癌，只剩餘半年的壽命。因當時豬仔年時已高，不可能承受高風險的手術，於是只能針灸、食療，及用針筒給牠打營養液：「每日見住你好辛苦，當時都會問自己係咪太自私，只係想你盡量留喺自己身邊耐啲，但忽略咗你嘅辛苦，我每晚都會抱住你，問你係咪好攰，嗰身係咪好痛，如果你唔想撐落去要話畀我哋知，但你每次都會用你最大力度拖實我隻手指，所以我知道你仲想打呢場仗。」

（↓點擊圖片放大↓）  

豬仔奇蹟捱過了醫生估計的「半年限期」， AK讚牠是最叻的小鬥士：「雖然你病好之後、好臭脾氣」、 「激嬲你…你會周圍屙屎，我都踩唔少次…但無論踩多幾多次屎 ，我哋都係咁錫你…」AK說過去兩年，每一日和豬仔的相處對家人已經一個Bonus ，郤遺撼沒來得及影一張全家福：「很抱歉，一直說想為你們拍片，但遲遲未做，最近有人聯絡咗想幫我們影一張全家福，我也答應了，但遺憾你不能參與了！」

（↓點擊圖片放大↓）  

現正播出的《調教你MIRROR》節目中，其中一集，梁祖堯問到MIRROR十二子可有想過一齊居住時，AK第一個反應是擔心家中的貓貓沒人照顧，拒絕搬家：「唔想，因為我屋企啲貓真係年紀大，唔想呢段時間唔喺屋企。」節目中亦有拍到AK入Camp前，在家中執行李時，肉緊抱著豬仔時，豬仔向AK發出撒嬌聲：「你知我要去宿營，覺得唔開心呀？」這個畫面便為了AK和豬仔一個難忘時刻：「多謝節目組播出嘅片段，有一段是我和你的回憶，我會好好記住，多謝你嘅出現，令我哋屋企咁幸福， 我哋會好掛住你，放心喺彩虹橋度跑，去搵波子哥哥同叮叮細佬玩先，嗰度有好多罐罐，我哋遲啲再見，或者希望以另一種方式再續前緣，再見了豬仔，永遠愛你。」

（↓點擊圖片放大↓）  

撰文：衛紫敏

同場加映:《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟呀嘛」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《聲夢傳奇》︳ 14歲小鍾嘉欣Yumi後勁凌厲 身經百戰：唔會喊 喊係浪費時間 【下一頁】