日日媽媽聲｜ 劉丹曾被老婆誤會與邵音音有染 鬧離婚即劃清界線：唔好同我打招呼

邵音音和林雅詩接受無綫節目《日日媽媽聲》主持人余安安、陳凱琳和羅敏莊的訪問，兩人分享當艷星的往事，兩人不約而同指出即使事隔多年，自己小朋友上學亦遭同學及其家長歧視，林雅詩更直言後悔拍三級片。

{{hket:inline-image name="1.png"}}{{/hket:inline-image}}

主持安安姐對邵音音說：「我知你當年嘅星途其實唔係咁平坦。當時你拍過風月片，我知你係唔願意。」後者就笑言：「我（星途）不嬲都唔平坦，一路辛苦到而家。當年拍三級片係由老闆決定，（係咪被人呃咗？）唔係話拍一套做就另一套，而係講漏咗，係冇話你知啫。老實講當年冇錢，經濟又唔好，要搵錢，要除衫、要出名。」

邵音音又指當年為免被人認出，外出時會戴帽，又指因她的身份容易被人誤會：「劉丹試過畀人整蠱，有日佢老婆打畀佢，有人接聽咗話係我，搞到佢老婆一度話要離婚。過幾年劉丹再見到我，叫我唔好同佢打招呼，因為老婆話要離婚。」

（↓點擊放大睇圖片↓）

林雅詩也明言後悔拍三級片，「我真係好後悔。」邵音音即時對她說：「唔好後悔呀，呢個世界冇後悔藥食。」林雅詩被問到當時男友點睇她曾拍三級片一事，她說：「當時男友唔介意，奶奶亦支持，話：『你咁後生，身材又好，而家唔拍幾時拍？』但係自己父母唔接受。」

她也表示自己以前不敢去兒子的家長日，就算要去，也會戴帽戴口罩，怕被其他人認出自己。被問到她囝囝幾時知媽媽的往事？她表示：「瞞咗好耐，8、9歲佢有問，我笑住同佢講行錯咗！」

（↓點擊放大睇圖片↓）

邵音音聽畢以過來人身份安慰林雅詩說：「人總係要勇敢面對，人哋攻擊我，冇辦法！因為我選擇咗行呢條路！」她又指自己的女兒曾遭同學歧視，不過向學校投訴不果。音音姐說：「初頭我個女唔知我咩名，聽到人哋叫我邵音音。有一日佢老師問佢：『你媽媽咩名？』佢就答：『邵音音。』之後個老師就指住我個女話：『你阿媽係白癡，你都係白癡！』後來我個女返到屋企跪喺度講話唔返學，我就打去校務處問咩事，講再係咁我唔讀你間學校，點知接電話嗰個話：『我哋都唔歡迎你！』」邵音音用自身經驗鼓勵林雅詩：「所以你點可以活喺人哋嘅口水中間呢？我哋要勇敢面對！」

{{hket:inline-image name="6.png"}}{{/hket:inline-image}}

《盼你賞面》｜邵音音曾被仔質問點解要拍三級片 叮囑媽媽：唔好畀人呃去除衫 【下一頁】

同場加映：港姐首輪面試： 關禮傑26歲囡囡關楓馨參選 113名候選女士質素參差 

{{hket:ul-video id="3174"}}{{/hket:ul-video}}