陳柏宇太太符曉薇鬧爆老公嗌離家出走 兩人即開直播解畫已和好如初

陳柏宇(Jason)和太太符曉薇(Leanne)一直好恩愛，日前先見兩公婆帶埋囡囡陳羿辰（Abigail）去酒店Staycation，未知期間發生何事，Leanne昨晚在IG限時動態竟大呻委屈：「我以為你會珍惜我，點知聽到原來我畀咁多壓力你…就算唔稱讚，都唔好踩到一文不值。」文字間明顯兩公婆鬧交，Leanne更揚言想「離家出走」，還爆出Jason當日冇求婚、冇禮金、冇過大禮、連自己嘅金器都畀埋Jason，只係想要Jason珍惜佢就夠。

{{hket:inline-image name="63.jpg"}}{{/hket:inline-image}}

陳柏宇和太太Leanne乜事炒大鑊？（圖：Leanne IG)

{{hket:inline-image name="50.jpeg"}}{{/hket:inline-image}}

Leanne上載當日鬧交後給Jason的回覆，引發網民熱話。（圖：Leanne IG)

陳柏宇疑墮網騙陷阱成受害者 鱷魚頭老襯底：試過3次被人呃 【下一頁】

Leanne這個Post一出，在連登即成為網民熱話，大家議論紛紛，擔心又多一對圈中夫婦離婚收場。原來兩人鬧交是真，不過，已經和好如初，純粹開Live同網民分享。他自爆在一次訪問中，太太讚他是滿分丈夫，但自己卻指太太有不足之處，令太太感到委屈，當時Jason為𠱁番老婆，打千字文悔改書向老婆認衰;「知錯係唔足夠，仲要作出改變，改變同老婆說話時唔會佢感受嘅苛刻甚至乎唔尊重、改變同只懂得批評而唔識讚賞老婆嘅態度」…「真係好對唔住，令你咁難受，我真係冇用」，而認錯後當然要作出承諾：「我希望可以用餘下嘅生命去話你知，你係無可取替。」

（↓點擊圖片放大↓）  

兩人的分享夫妻之道，就被誤解成「炒大鑊」惹網民關注，Jason和Leanne今日即開Live解畫，兩人置身在車廂做直播，囡囡在後座大覺瞓，Jason話:「識得我哋嘅人都知道我哋乜都攤開嚟講，我冇嘢叻，我唱歌唔叻，表演唔叻，但我作為公眾人物最叻係分享兩公婆相處同點滴，我個性係唔會離婚，我認為生活最重要有意義，冇目標，有尊嚴都冇用，我想要安穩同目標，而我嘅動力係嚟自太太。」對於自己的行為及言論受網民關注，亦容易成為批評對象，Jason則依然故我，「要永遠唔怕別人誤解同攻擊，乜嘢係做人目標，乜嘢值得保留，乜嘢係過眼雲煙，唔好怕結果唔係自己預期而唔去做，要做咗先，而對人嘅批評係要尊重，就算係唔識嘅人批評你，都要尊重佢諗法就得喇喇。」而直播間，不少網民都撐Jason ，令Jason「感性Mode」啟用，突然眼濕濕，即被太太取笑。

（↓點擊圖片放大↓）  

事後Jason接受《晴報》訪問表示：「我同老婆冇嘢啦，佢係一嬲時就會有晦氣說話出現，好嬲時會諗到呢啲最壞打算，雖然我知道實可以𠱁得番佢，但我都唔會Hea住做老公 ，會好認真，因為我好愛佢，唔會因為相處咗十年而冇進步、唔需要去磨合嘛，反而有時鬧下交嘅經歷都好好嘅。」講到千字悔放書，Jason笑言用了半小時去寫，以太太更讚他中文程度能寫到這篇長文當然收貨。

{{hket:inline-image name="62.jpg"}}{{/hket:inline-image}}

一家人和和氣氣最緊要。（圖：Leanne IG)

撰文：衛紫敏

同場加映：《調教你Mirror》梁祖堯爆Ian同Lokman最神秘 「佢哋12個係盲婚啞嫁返嚟呀嘛」

{{hket:ul-video id="3132"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】