端午節｜素糭贈「三高老爺」被當面丟棄新抱感委屈：一番心意被當垃圾【附健康食糭貼士】

不少人在端午節都會吃糭應節，不過傳統糭大多含高油、高鹽、高脂肪，多吃有損身體健康。日前就有新抱於討論區上發帖大呻，指老爺患有三高，卻很愛吃高膽固醇食物，端午節也愛吃糭，惟今年被醫生「勒令」要戒口。事主考慮對方健康問題，於是決定送贈老爺素糭，未料老爺收到素糉後反應極大，不但罵她不懂「做人新抱」，甚至即時將素糭丟掉，令事主直言大感委屈：「一番心意被人當垃圾！」

有網民於香港討論區以「特登買素糉俾老爺食...點知佢大發脾氣...」為題發帖指，家中老爺喜歡吃高膽固醇食物，尤其五花腩，形客他飲食習慣「越肥越鍾意」；對方在端午節時更喜歡吃很多糭應節。惟新抱表示，近年老爺因為飲食習慣差，導致患有三高問題，因而不能放縱他繼續放肆吃高膽固醇食物，「好多佢鍾意食嘅都唔食得」。於是事主與丈夫商量後，對方亦同意「醫生都開到聲要戒口」，故決定送上較健康的素糭：

「無肉無鹹蛋黃，諗住健康少少，食落去冇咁大負擔……我哋買嘅糭都有好多食材喺入面，又有栗子，豆呀，菇，好豐富㗎！」

老爺當面將素糭扔進垃圾桶

未料，老爺收糭後竟大發雷霆，不但怒斥事主「點做人新抱」，指責她「唔識買嘢，食糭點可以冇五花腩同鹹蛋黃，呢啲仲叫糭咩？」更隨即將素糭全扔進垃圾桶內。事主直言看到自己的心意被糟塌後「嬲到想喊」，委屈苦訴：

「為咗佢健康著想先買素糭畀佢食，我仲要搵咗好多間比較，自己食過好食先買畀佢，點知一番心意被人當垃圾！如果佢冇健康問題，我需要做到咁？」

事主續透露，丈夫亦沒想到父親反應會如此激動，並指曾帶對方吃素，老爺也沒有抗拒過；無奈感嘆「男人心有時都好海底針」，並灰心表示不會再送禮給老爺，以免又再發生不愉快事件：

「唉，有時真係好難做，我都知好食嘅野唔健康多……反正送乜嘢都係錯，送好食嘅又對佢唔好，送健康嘅佢又發脾氣，唔送最好，我慳番啲錢！」

網民：唔買好過買

帖文發布後，網民意見出現兩極，有人認為老爺當面將新抱送的糭扔掉，是很不尊重，又安慰事主指她是個好新抱，會顧慮老爺的身體狀況，大讚她十分孝順。亦有網民提議事主，應該同時買傳統糭和素糭，「等佢知道你知佢鍾意食糭，但你亦都關心佢嘅健康」：

↓ 點 擊 圖 片 放 大 ↓

不過，亦有網民指出，事主「唔識做」，買素糭等同影射老爺身體差，老人家當然會感到不快，又指一年一次端午節，老爺吃少少心愛的傳統糭子又不是個大問題，「冇嘢值得嬲，因為你應該預咗佢唔鍾意」：

↓ 點 擊 圖 片 放 大 ↓

Nutri Life 註冊營養師謝詠瑩（Gloria）早前在Facebook專頁發文，分析4款常見端午糭，包括裹蒸糭、鹹肉糭、豆沙糭及冰糭。當中以裹蒸糭的卡路里及油分最高，1隻600克裹蒸糭等同吃3碗白飯、約13茶匙油，卡路里達1300。其次，是鹹肉糭，一隻450克的鹹肉糭等同吃2.5碗白飯、約6茶匙油，卡路里達870。

此外，Gloria表示由於糭材料都是較高澱粉質、高脂，因此當日的正餐應適量減少攝取，以下有3大健康食糭貼士︰

↓ 點 擊 圖 片 放 大 ↓

端午節｜跌打損傷、三高不宜食糯米 中醫教3個食糭消滯方法【附3大消滯穴位】，詳情即睇：【下一頁】

同場加映：

「吸風台長」患眼疾一眼僅餘3成視力 拆解李氏力場傳說 

{{hket:ul-video id="3087"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文︰林幸琦